九頭鳥米線

营业中

休息中

见网上介绍特意黎试下，餐牌、食物款式同谭仔真系好似，唯独系d汤底同小食名有d唔同，𩠌既款式略多少少，而且呢到有得简要薯粉。职员话湖南酸辣，无云南酸辣咁辣，岩我呢d唔太食得辣既人，所以叫左一碗湖南酸辣汤底既腩肉墨鱼头薯粉。呢到既腩肉好靓，有肥肉，肥瘦分明，而且都算大旧同多，但唔知点解食落无乜味咁？墨鱼头略嫌有d少，都系无乜味道咁。汤底就无乜酸味，薯粉系滑身，无纹理个款。仲有一碗最小辣既四川麻辣汤底过桥米线，食落有麻味，都系同谭仔过桥米线既𩠌差不多，鸡肉感觉唔会好硬，其他𩠌都ok，系炸酱比较稀身。另外叫左个霸王鸡翼，姐系谭仔既土匪鸡翼，黑芝麻多过谭仔，都大只既，不过唔够入味。服务都正正常常咁，无乜谭仔呀姐既口音，哈哈！见openrice写收8:30咁早，就打去问下，职员话系收9:00，8:40分last order ，不过食肆既话，呢个时间都算比较早啦。总括黎讲，味道无乜惊喜，同谭仔太似，无乜特色，唔会特意过黎食。