肉餅哥小炒料理 (已結業)

呢间放左系我的收藏到好耐，终于俾我去到啦💪7点前到未开始多人，环境唔逼，但当日坐得近厨房就有啲怪味入正题啦！ 一坐低就会每人俾一碗老火汤，好饮既👍仲有鸡脚添肉饼既选择超级多，可以选择蒸或者煎。蒸会用砂锅上，饭系底，肉饼系面。煎既肉饼会同饭分开上。晚市价格分为$59，$69，$99$69 煎秘制金沙蛋黄肉饼 配菜饭 - 好食，好岩送饭食。个肉饼听个名都知有少少heavy，睇落仲劲 ，因为原来系肉饼上面铺了一层满满既咸蛋黄加牛油炒成既金沙。$99 蒸足三两花胶蒸肉饼 配白饭 - 本人无乜食过花胶，净系知养颜，咁就嗌左啦 有3大块花胶系面，上面有啲汁，下面系肉饼同饭。花胶好滑，食落一pat pat，会系口入面'张住张住'。一路净系谂住可以养颜，先可以叫自己继续食哂啲花胶🙈我唔知咩叫好食既花胶，但系食完呢次我谂我知自己唔钟意食。肉饼同金沙个块应该系一样既，系好食既。但最低啲白饭好淋，好湿，唔好食。叫花胶肉饼个阵未谂掂蒸定煎，店员就建议蒸。但可能就系蒸，所以啲饭好湿。