極尚大瀛喜日本料理 (已結業)

暑假紧系要约好朋友欢聚下的， 谦谦和朋友仔最喜欢食寿司刺身果d ， 所以我地一于去食放题， 咩都有得食，总有一款岩自己口味， 每样都可以叫一件唔洗惊叫多左浪费。呢到系用 QR Code 落单，刺身寿司款式都多选择， 先来order左一大盘刺身， 赤贝、北寄贝和希灵鱼都好爽口、荣螺好弹牙，带子和牡丹虾都好鲜甜，而我最爱的三文鱼就好肥美，仲要砌成花，好鬼吸引。两位搞笑友好兴奋咁拎住个金银蒜蓉酱蒸元贝来干杯， 佢地话蒸得刚好冇over cook ，另外黄金酱烧开边虾，个酱好滋味，又食得方便，最后仲有最得我心的鲍鱼，爽口弹牙。寿司好多款式，每件细细可以叫多几款， 鳗鱼和比目鱼必叫啦啖啖肉冇大骨。羊架和芝麻鸡翼爱吃肉人士一定要叫好惹味。串烧方面，牛舌带一点黑椒味又爽口， 烧脆肉瓜特别香甜。最后食返d 水果消下油腻感，小朋友就紧系食雪糕啦！呢到都有唔同牌子选择，榴梿雪条最得阿仔欢心。