三點三冰室

营业中

休息中

今晚同家人食饭，拣咗平时一齐比较少食嘅冰室，去咗Airside 新开嘅呢间冰室。装修环境唔错，而且干净卫生。烧乳鸽 $62冰室连烧乳鸽都有，我哋叫咗一只试吓，烧得几皮脆。沙嗲牛西多士$52西多士再加上沙嗲牛肉，绝对是香港嘅味道，沙嗲牛肉惹味可口配上炸得香脆软绵嘅西多，非常好味又邪恶。西冷牛铁板餐$128听住铁板发出嘅吱吱声好治愈，未食已经觉得好好味，西冷牛扒都唔会韧，啲黑椒酱汁配埋啲薯菜一齐食，好惹味。头抽干炒牛河$78干炒牛河炒得几有镬气，头抽豉油香气十足，牛肉份量唔少，配料如芽菜份量都足。虾虾虾炒饭$82有大虾，估唔到仲有虾干，同埋个炒饭系用虾酱炒，果然名副其实。个炒饭炒得几干爽，粒粒分明，好惹味，都几有惊喜。