媽咪雞蛋仔 (已結業)

自己就最钟意食街头港式小食，今日经过观塘妈咪鸡蛋仔，咁就梗系第一时间把握机会，唔错过佢哋出色嘅鸡蛋仔啦。入到去见到menu有各式各样鸡蛋仔，款式有传统有新派，差唔多讲得出嘅乜嘢味都有。而且饮品亦都有好多款，连pancake、雪糕等等甜品都有，最后我拣咗粒粒朱古力鸡蛋仔同埋双重芝士鸡蛋仔，饮品要咗荔枝沙冰同埋芒果梳打。朱古力鸡蛋仔每粒鸡蛋仔入面都充满晒满满嘅朱古力，双重芝士入面亦都系满晒满满嘅芝士酱，朱古力甜甜地，芝士就系number one人气首选，最紧要个鸡蛋仔系即叫即 做，几分钟时间等，但系就超新鲜唔会整定。两杯饮品都好有特色，荔枝沙冰夏天饮啱晒好解暑，芒果梳打亦都有浓浓嘅芒果味，最啱芒果控嘅朋友去试。