五要素食堂 (已結業)

听人推荐呢间野食好耐，今日经开附近就黎一试。单菜选择好多，真系包罗万友，呢方面真系好加分👍🏻蟹肉静冈大叶手打阔意粉 - 呢种阔意粉系我最中意既，而且唔系每间餐厅都有，见到呢度有真系好惊喜，点可以唔叫。 意粉好有口感，唔会煮到过软，刚刚好。另外，蟹肉好多，每一啖都系意粉同蟹肉，好有满足感。加多$18，仲有埋日式洋葱汤同埋薯仔沙律，薯仔沙律入包有薯仔蓉、青瓜同埋洋葱，口感爽脆特别。静冈抹茶红豆窝夫 - 抹茶控点会错过同抹茶有关嘅野食🤟🏽 喺窝夫上面洒上满满嘅绿茶粉配上红豆同埋cream，又系啖啖满足感充斥到味蕾🥰 窝夫外脆内软，值得一提嘅系呢个窝夫系咸身既，好特别，食甜品都唔洗带有太大罪恶感😎 整体来说，呢间野性价比好高，位置又方便，行开呢度真系要黎试下。