Promenade 西餐廳

营业中

休息中

带屋企人去食buffet,本来想去试下朗豪酒店既自助餐,但系因为做紧芝士主题唔系咁啱老人家所以就改嚟呢一间选择呢一间嘅最主要原因系因为多款式,可以适合一家人唔同嘅口味平日自助午餐都坐左8成满, 呢间酒店位于红磡当然包括唔少内地食客。 款式由冷盘,粥粉面,牛扒,炸物,意粉,Pizza都一应俱全。是日有两款生蚝,每人每次限拎两只, 一个师傅负责洗,一个师傅负责开,速度都相当快,人龙Keep住7个左右。至于日式寿司嘅角落就比较细,刺身款式亦唔系好多, 有一啲好似放咗一阵嘅寿司卷物,有冷面,螺肉, 细细兜畀客人拎。我试咗三文鱼刺身,质素过得去,好鲜甜又唔算,一般啦。值得一赞嘅系呢度嘅榴梿甜品有好多,而最有特色系即制榴梿班戟,厨师落嘅榴梿馅好大嚿,可以拣原味嘅皮或者班兰味嘅皮。除咗班戟亦有榴梿蛋糕,榴梿挞等等,适合爱好榴梿嘅人 总括而言,呢间酒店嘅自助餐胜在款式真系比出面多,至于质素就唔算好突出。