影片
更多
2012-06-07
265 浏览
3月31日, 年前都食过一次, 今次我地番兜嘅原因全系因为佢嘅餐牌~ 餐牌上有好多唔同种类嘅食品, 我地上次食过焗猪同pizza, 今次再试下其他野~ 是晚人流都几多, 等咗一阵先有位~::: 纽西兰西冷牛扒精选晚餐 ::: $80 + $2左拣右拣个餐牌, 最后俾呢个是日精选晚餐吸引咗~ 个餐包咗餐汤、餐包、前菜、主食、甜品同飮品, 真系够晒多~ 餐汤系一个比较橙色嘅忌廉汤, 味道尚可接受, 只系个汤稀咗d, 但系飮唔出佢嘅橙色喺边度嚟… 面包虽然唔系咩自家制, 但系暖暖地够松软, 仲有𠮶粒唧咗花嘅牛油, 有心思~ 前菜要咗菠菜芝士焗美国生蚝拼凯撒沙律, 生蚝即焗所以好够香, 芝士味亦都好浓~ 生蚝够大只,质地肥美好丰富, 加埋芝士同菠菜个口感够晒浓郁, 唯独菠菜少咗d同碎咗d. 凯撒沙律有齐晒基本野, 生菜烟肉粒面包粒, 捞一捞凯撒酱, 普普通通味道都算系咁~主菜系纽西兰西冷牛扒意粉, 上枱其实同碟头意冇乜分别, 牛扒意粉加上一pat汁, 配上少少杂菜就搞掂~ 牛扒味道唔重, 都系𠮶d平价扒餐嘅薄牛扒, 所以加上纽西兰呢三个字有少少多余… 好在个蒜茸汁够味又够多, 牛扒肉地又够淋,
::: 纽西兰西冷牛扒精选晚餐 ::: $80 + $2
左拣右拣个餐牌, 最后俾呢个是日精选晚餐吸引咗~ 个餐包咗餐汤、餐包、前菜、主食、甜品同飮品, 真系够晒多~
餐汤系一个比较橙色嘅忌廉汤, 味道尚可接受, 只系个汤稀咗d, 但系飮唔出佢嘅橙色喺边度嚟… 面包虽然唔系咩自家制, 但系暖暖地够松软, 仲有𠮶粒唧咗花嘅牛油, 有心思~
前菜要咗菠菜芝士焗美国生蚝拼凯撒沙律, 生蚝即焗所以好够香, 芝士味亦都好浓~ 生蚝够大只,质地肥美好丰富, 加埋芝士同菠菜个口感够晒浓郁, 唯独菠菜少咗d同碎咗d. 凯撒沙律有齐晒基本野, 生菜烟肉粒面包粒, 捞一捞凯撒酱, 普普通通味道都算系咁~
主菜系纽西兰西冷牛扒意粉, 上枱其实同碟头意冇乜分别, 牛扒意粉加上一pat汁, 配上少少杂菜就搞掂~ 牛扒味道唔重, 都系𠮶d平价扒餐嘅薄牛扒, 所以加上纽西兰呢三个字有少少多余… 好在个蒜茸汁够味又够多, 牛扒肉地又够淋, 加上少少筋, 半肥半瘦咁咬落好易食~ 意粉比较失色, 因为同普通茶餐厅一样都系烚熟, 冇炒过, 所以意粉太淋冇口感, 一咬就散.
最后个甜品就系芒果布甸, 唔似系自己整, 应该都系包装货, 味道酸酸地, 又食到芒果肉, 比较起其他地方嘅芒果布甸呢个算系好味~
冻奶茶够奶味, 亦都够茶味, 甜度亦刚好啱我口味~
::: 烟三文鱼凯撒沙律 + 热柠水 ::: $42 + $2
凯撒沙律同是日精选晚餐嘅如出一辙, 不过份量多好多~ d生菜系用普通西生菜而唔系罗文生菜, 口感欠爽脆. 如果系普通跟餐沙律可以接受, 但特登另叫嘅话比d西生菜比我就有d求其… 烟肉碎同面包粒都系来货, 够脆但油油地. 反而烟三文鱼口感creamy鱼味鲜浓, 仲有3大块咁多~ 好味~ 先觉得抵番d!
热柠水柠檬落得慷慨~ ok 啦!
今晚食嘅野, 感觉个质素唔系太高, 都系普通茶餐厅货色, 都系上次食焗饭同pizza好似好味d… 虽然系咁, 不过见到隔离枱叫咗咸猪手, 只咸猪手份量真系大得惊人, 足2人份, 令到我地又有一个冲动下次又要嚟试下佢地其他嘅晚餐~
张贴
