南駅 (已結業)

成日听人讲东大街好多好野食日式、中式、西式咩都有实在系花多眼乱，都唔知食咩好所以我就决定拣间fusion餐厅慢慢叹返个午餐🥣一开menu，西式日式中式咩都有，想食西式可以拣pizza，中式有海南鸡饭，日式可以食乌冬⋯⋯一间已经可以满足哂所有人要求😂我同朋友就拣咗食主打嘅海南鸡饭同蒲烧鳗鱼笼仔糯米饭。清远海南鸡油饭一上台见到咁大只碟，摆放得好精致，啲鸡都好新鲜，好有鸡味如果系无骨就仲好啦另外个汤系放系个壶仔入面，倒出黎都仲热，唔会摊到冻哂！鳗鱼笼仔糯米饭一上台就闻到啲荷叶香味🤤饭面铺满鳗鱼，够够都好肥美；而糯米饭够干身，咬落去烟烟韧韧，唔错👍🏻黑松露虾多士同一般虾多士唔同，呢款系虾肉酱，配搭埋黑松露，脆卜卜嘅多士，几特别，值得一试！一口安格斯一口牛唔错，肉身香软，但可惜啲香蒜太㶶，如果唔系夹住一口牛食仲正。