ReDivine (CAPRI Place) (已結業)

REDIVINE系一间非常精致既泰式西餐厅，装横可见用心，有种波希米亚风的感觉，仲有特色座位吊櫈，望落好有度假的感觉，打卡一流！鱿鱼青木瓜沙律 - 鱿鱼好爽口弹牙，青木瓜清新得来，酸辣得好过瘾，望住依盘沙律🥗五颜六色真系好有食欲！煎焗澳洲羊架 - 其实我好怕羊肉的膻味，但处理得宜，佢既美味又会无人可比，抱住试试既心态去点，令我喜出望外！一上桌阵阵肉香味四溢，肉质嫰滑，肉味浓而不膻👍🏻小火山猪肋骨 - 我地问店员有咩推荐既时候，佢地话依个小火山猪肋骨系隐藏菜单，食完真系意想不到地有惊喜！一食落好有泰式风味，酱料酸酸地好开胃，重点系肉炆得好软腍骨肉非常易分离，有种入口即化既感觉，好好味！仲有配菜都唔马虎，我最钟意蕃薯🍠焗薯蓉甜甜地，好食😋朱古力榛子批 - 卖相非常用心，有朱古力、马卡龙、不同水果整成摆盘，好艺术🎨感，未食前先加分。内饀既朱古力同榛子味香浓，饼底由饼碎造成好有口感，完美既甜品为今日完美既一餐划下句号。依间餐厅真系好值得推荐，店员会时时留意我地既需要，态度亲切，食物美味，环境又好，唯一有个小缺陷系，餐厅位置唔熟路既人要细心揾下，希望佢地唔好俾依样野埋没左，可以更多人认识！