三井日韓料理 (已結業)

上网见到有杂志介绍呢度有日韩放题，所以考完试就约左朋友黎试下。我地7.30前结帐，所以系$158𠮶个时段。（刺身：三文鱼、八爪鱼、吞拿鱼）鱼生几新鲜，口感味道普通，唔算特别出众，不过我地都叫左两轮~（花之恋、黑松露油甘鱼寿司）黑松露份量适中，入口好香，均匀系鱼上面抹开，好好味（韩国铁板芝士年糕）呢度嘅铁板、锅物等都算几迷你，细平时𠮶D一半左右，所以唔洗担心会好饱。呢度嘅年糕下面有韩式公仔面同可以拉丝嘅芝士，再配上韩国辣酱，맛있다~~ (好吃耶)（芝士炸鸡）其实我地系为左芝士炸鸡黎嘅~芝士无令我地失望，真系拉得出丝架 至于炸鸡就有D淋，感觉好似无炸过咁…不过我一向唔特别钟意食炸野，所以都无乜所谓~有芝士就得架喇（鸡肉稻庭乌冬）乌冬好弹牙，昆布味道好浓。细细碗，食几啖就食完，唔怕无胃口食其他野（日式牛肉锅）汤底微甜，除左牛肉外仲有鸡蛋、葱花、娃娃菜、冬菇等。肥牛片吸晒汤底嘅精华，甜甜地好好味。（樱花奶冻）卖相好靓，每杯入面都有一朵樱花。不过就奶冻净系得牛奶味，上面粉红色𠮶层都无花味。（甜品：泡芙、马卡龙、南瓜蛋糕、焦糖菠萝、Brownies)甜品好迷你，马卡龙只系大过拇指少少，味道不过不失