大井町日式放題 (已結業)

放题就食得多，今次有朋友介绍荃湾呢间放题都好抵食同质素都唔错，咁所以就bk位黎食。黎到荃湾中心上电梯就到，非常方便。地方亦都非常大。坐低当然即刻剔下食咩啦，食物款式都几多。d刺身都几新鲜，而且有2款虾可以选择，又有带子食，非常开心。鸡肉串烧都唔错，烧得好香。牛脷非常值得推介，因为味道好浓，而且肉质非常腍，加上送上黎系热辣辣家，真心好食。我地都re-order左2次。d炸物都炸得几好，紫薯波都好好食，都好足料。我地都系第一次放题食蟹粥，一锅都可以每人分到2至3碗，味道都几鲜。个人就最著重食甜品。甜品方面，呢度有个甜品柜任您选择，中意食边样就夹边样。雪糕方面，有movenpick嘅云梨拿味，当然要拣啦。Overall值得再黎。