影片
更多
2013-08-28
3236 浏览
呢几年好钟意揾d怀旧餐厅食吓，尤其系呢间华辉餐厅。话说咁啱有一次，大约朝早七点半，我见到一部灰色开蓬宝马(我仲记得车牌号码添 >.<)，泊喺马路边近华辉门口，然后一个女侍应拎住杯外卖奶茶行出嚟，递比架车上好高大嘅男人，望真d..原来系歌神呀Sam呀\^o^/之后，我就好多时都嚟华辉帮衬，有时仲问吓老板关于呀Sam，原来老板识得呀Sam好耐啦，以前仲曾经一齐玩war game，有相为证。收银counter依家仲挂住张相架！ 老板仲话，十几年前呀Sam好钟意喺堂食，但之后就改咗每朝嚟买外卖，由以前每朝七点几，后来六点三，四，到许冠英过身后至而家，已改为五点八、九啦！但唯一不变就系..只买一杯热奶茶！ 其实我都遇过歌神几次，有次佢仲同我挥手微笑添，佢好Nice呀^(oo)^都系讲番华辉嘅美食先，平时嚟呢度多数会食晚餐，好钟意佢嘅鲜茄会牛脷意粉，厚切牛脷煎得好甘香，茄汁应该加咗牛尾汤，味道好正又怀旧，但份量唔算多，价钱稍贵，$48冇包饮品，但送中、西汤。佢嘅罗宋汤好好饮架！其次, 佢嘅焗猪扒/鱼柳/海鲜饭又系好好味，但好多时嚟到至知道售罄，几冇瘾啰！不过, 有时午餐会有呢几款焗
话说咁啱有一次，大约朝早七点半，我见到一部灰色开蓬宝马(我仲记得车牌号码添 >.<)，泊喺马路边近华辉门口，然后一个女侍应拎住杯外卖奶茶行出嚟，递比架车上好高大嘅男人，望真d..原来系歌神呀Sam呀\^o^/之后，我就好多时都嚟华辉帮衬，有时仲问吓老板关于呀Sam，原来老板识得呀Sam好耐啦，以前仲曾经一齐玩war game，有相为证。
收银counter依家仲挂住张相架！
老板仲话，十几年前呀Sam好钟意喺堂食，但之后就改咗每朝嚟买外卖，由以前每朝七点几，后来六点三，四，到许冠英过身后至而家，已改为五点八、九啦！但唯一不变就系..只买一杯热奶茶！ 其实我都遇过歌神几次，有次佢仲同我挥手微笑添，佢好Nice呀^(oo)^
都系讲番华辉嘅美食先，平时嚟呢度多数会食晚餐，好钟意佢嘅鲜茄会牛脷意粉，厚切牛脷煎得好甘香，茄汁应该加咗牛尾汤，味道好正又怀旧，但份量唔算多，价钱稍贵，$48冇包饮品，但送中、西汤。佢嘅罗宋汤好好饮架！
其次, 佢嘅焗猪扒/鱼柳/海鲜饭又系好好味，但好多时嚟到至知道售罄，几冇瘾啰！不过, 有时午餐会有呢几款焗饭架！
仲有其他中式套餐都唔错！
好挂住佢嘅招牌萍果批，难得今日放假，就嚟食吓早餐先。
~ 萍果批餐$24 ~萍果批依然保持水准，批馅内嘅萍果蓉带少少酸之余，仲可以食到萍果粒，冇玉桂味，感觉好清新，牛油外皮又香又松，好夹佢嘅特式萍果味，正！
早餐选择多，有沙爹牛肉粉面、餐肉肠仔，鸡扒、猪扒、牛扒等，但只想食简简单单嘅火腿通粉，炒蛋+方包 ( $26) ，味道清清哋，两个人share嚟食，唔错！
除咗出名嘅奶茶，咖啡亦都好好饮，d咖啡仲系用只陈年广告杯盛载，够哂经典呀！张贴
