影片
更多
2019-09-07
3770 浏览
1881内嘅高级餐厅有唔少，但想试特别啲嘅，上网揾到呢间想试下，好似好有艺术feel咁，嚟到现场又真系㖞~首先斋睇枱上嘅餐具已经好正，每一件餐具都有特别设计，连水杯上都有图案。就连刀叉嘅手柄位都印有餐厅名!而餐牌都加咗幅艺术画，加埋一啲相关资料。order完就先嚟咗餐包，都系摆得好有艺术咁，连垫住𠮶张纸都系艺术图案。面包有三款，比较plain啲嘅餐包、提子合桃包、种籽包，三款都好软棉棉，好少会食哂啲餐包嘅我吔都全部食哂。我吔order咗嘅系set dinner ~ The Harvest首先系appetizer腌制油甘鱼，其实就系油甘鱼刺身，好鲜味，配埋柚子汁嘅爆爆珠和血橙酱，仲有少许沙律菜，完全系开胃清新之选，好啱炎热嘅夏天。跟住就到餐汤Lobster Bisque，上菜时先系一只香脆嘅龙虾肉意大利云吞和青豆，然后店员会倒入好浓郁嘅龙虾汤，龙虾汤好明显系真材实料，浓到好似𩠌汁咁，超正!!到主菜喇，其中一款嘅系以猪梅头肉做主角，西餐嚟讲真系比较少见，煮得好淋，同青葱萄葡酒汁好夹，仲有少许芹菜蓉令梅头肉嘅味道更突出。另一个主菜系鲈鱼，看似比较普通，但重点在于伴菜，首先鱼嘅上面系墨汁脆片，
首先斋睇枱上嘅餐具已经好正，每一件餐具都有特别设计，连水杯上都有图案。
就连刀叉嘅手柄位都印有餐厅名!
而餐牌都加咗幅艺术画，加埋一啲相关资料。
order完就先嚟咗餐包，都系摆得好有艺术咁，连垫住𠮶张纸都系艺术图案。面包有三款，比较plain啲嘅餐包、提子合桃包、种籽包，三款都好软棉棉，好少会食哂啲餐包嘅我吔都全部食哂。
我吔order咗嘅系set dinner ~ The Harvest
首先系appetizer腌制油甘鱼，其实就系油甘鱼刺身，好鲜味，配埋柚子汁嘅爆爆珠和血橙酱，仲有少许沙律菜，完全系开胃清新之选，好啱炎热嘅夏天。
跟住就到餐汤Lobster Bisque，上菜时先系一只香脆嘅龙虾肉意大利云吞和青豆，然后店员会倒入好浓郁嘅龙虾汤，龙虾汤好明显系真材实料，浓到好似𩠌汁咁，超正!!
到主菜喇，其中一款嘅系以猪梅头肉做主角，西餐嚟讲真系比较少见，煮得好淋，同青葱萄葡酒汁好夹，仲有少许芹菜蓉令梅头肉嘅味道更突出。
另一个主菜系鲈鱼，看似比较普通，但重点在于伴菜，首先鱼嘅上面系墨汁脆片，好精致，鱼下面就垫咗啲甘笋同本菇，仲有好鲜味嘅鱼汤浸住 食完哂仲可以饮埋啲汤，唯一美中不足嘅系鲈鱼煎得比较㶶。
最后系甜品，可以话系全个set最特别嘅，雪芭浸系少许士多啤梨酱上，再加埋罗勒啫喱同香醋珍珠，仲有士多啤梨片，好fresh~~~赞!!
餐茶方面可以拣餐牌上嘅指定咖啡/茶，茶嘅选择比较特别，我吔就拣咗Chocolate Mint Tea 同埋waiter推界嘅 Blueberry Kiss，可以话系一浓一淡，前者系朱古力配上红茶，后者系蓝莓配上南非茶。仲根据所拣嘅茶分别提供埋奶同糖浆，好有心思。茶具亦都系Van Gough嘅design，就连用嚟计焗茶时间嘅漏斗都有Van Gough 嘅字眼。
拎起茶杯仲见到碟上都有"Van Gough"。真系好靓!!
离开时发现刚才用嘅茶具可以系近门口嘅商店部分买到，仲有唔同款可以拣。
张贴
