騷 (已結業)

朋友介绍我去呢间诺士佛台新开嘅楼上酒吧--Soul，话唔似一般酒吧咁嘈，几啱同朋友倾计。我就约埋两个女仔一齐去试。大门贴左好多postcard，我估老板应该好钟意去旅行。装潢有少少cafe嘅感觉，环境几舒服。酒吧主打手工啤酒，仲有几款特色craft beer cocktail，我都系第一次饮！唔好酒可以试下呢杯mocktail蝶豆花茶有荔枝、柠檬、柚子3种口味，柚子味入口清爽，加上蜜糖甜甜地几夹。饮嘅时候将柠檬汁倒入樽内，之后就会慢慢变成紫色！不得不介绍呢杯「菩提老祖」！个名真系好过瘾以手工啤酒制作嘅cocktail，酒精浓度唔高，果香突出，几易入口。Menu仲有各款沙律、小食、炸物、主食，份量唔大，可以叫多几样试下。沙律非常清新，沙律菜亦够新鲜，加埋流心蛋冇咁寡。蟹饼新鲜热辣，炸得干身香脆，配上自家制芒果蛋黄酱可以减轻腻感，不过整体蟹味偏淡。朋友钟意食蟹所以点左蟹肉忌廉意粉，意粉煮得软硬适中，挂上浓稠酱汁，面头放上一丝丝蟹肉，味道香浓。但忌廉汁比较腻口，建议几个人分享。食食下听到有人唱歌，原来呢度定期有Live music show。老板好支持本地音乐人，希望提供一个场地俾佢哋表演。