二十道

今日去咗北角觅食，嚟咗一间欧日式嘅餐厅。梗系要嚟试吓新派嘅拉面。佢系用吧枱嘅形式，咁样就可以睇住师傅制作。午餐时间已经好快坐满咗人。睇嚟都系一间受欢迎嘅餐厅嚟㗎㖞。首先要食佢嘅特色小食─鳕鱼干，呢个同平时食开嘅有啲唔同非常之特别，居然有啲cream可以捞住食，d cream好香滑，冇谂过同鳕鱼干都几夹。之后我哋叫咗帆立贝寿司，寿司上面用咗青橘啫喱，清新既口味，好特别，突出帆立贝嘅鲜甜味道。再叫咗和牛酱油烧，和牛上而有两粒黑椒子，食落有d卜卜脆既口感，都几钟意呢个配搭。寿司饭觉得同普通𠮶啲寿司舖有少少唔同，问咗师傅原来啲寿司落左d 酒粕醋，食落有d酒香味，呢个idea 唔错wo👍👍到咗戏肉啦，系我最期待嘅西班牙白豚肉拉面（鸡浓汤拉面），佢用咗鸡同帆立贝汤底，拉面上面好似有意大利黄青瓜，味道新鲜，另外仲有BB芦笋同车厘茄，令到汤嘅层次提升。佢嘅西班牙豚肉系厚切㗎，食落好松软亦都好入味，叠到成个井字型，再放上拉面上面，摆盘卖相一流！男朋友就叫咗个海鳗寿司丼，海鳗整得几香口，都有好多料，对得住个价钱！！我自己个人就比较钟意食拉面多啲👏🏻👏🏻👍整体用餐感觉良好，见到佢有个二十道嘅菜式有啲心动想试