Okapi (已結業)

好耐无系度写过野，所以手痕上黎写下~~早两日同个friend行尖沙咀,行行下觉肚饿,原来已经到Tea time…..我记得好耐之前系赫德道有间酒吧仔,有野食,于是行过去怀愐一下,点知行到过去间酒吧已经唔见左,可能太耐无去…执左lu~~于是同个friend睇下附近有咩好食,误打误撞之下就入左Okapi.由于未试过呢间野,所以就问下个waiter有咩好介绍,佢就问我地饮唔饮酒,我同个friend都呆一呆,原来佢话佢地而家做紧个叫Tapas set,叫两个小食就有两杯酒送。我同个friend醉翁之意不在酒,反而想试下佢地Tapas 小食,反正我地只系牙痕,想揾地方hea下..Order左之后,望望四围环境,都好似几得,好似好有情调咁..…等左十几分钟,我地既小食同酒就到啦~~~ ^-^！我同个friend叫左”墨西哥玉米饼”同埋”香辣蒜片榄油炒虾”。本身对玉米饼上面个堆绿色既野有D抗拒,但又想试下佢系咩黎,所以沾左少少。丫~又意想不到地好滑,有D牛油果味,都几清新,至于D玉米饼既质感就好似外国个D厚身薯片咁,佢另外仲有一兜汁,酸酸辣辣都几醒神。另外个碟榄油炒虾,见到就已经好醒胃,D虾又爽口.