影片
更多
2008-02-26
好耐无正正经经坐低食西餐, 0系门口见到呢度不论menu 同环境都欧陆roadside cafe 0既感觉, 入0黎试试. 叫了个Risotto with Zucchini in Truffle Pate Cream Sauce 的set lunch ($68), 有磨菇汤, 咖啡及complimentary 的puff 做甜品.先0黎磨菇汤, 味道浓郁, 唔会太「奶」, 几好味; 餐前面包烘得热热的, 有一片pumpernickel 同一个洒满poppy seeds 的圆形面包, poppy seed 包外皮松脆, 入面就好软熟, 就咁食都好好食, 当然涂少少牛油就更香更好食啦; pumpernickel 唔0岩我口味, 亦勾起我0系金钟分店买pumpernickel 食的可怕回忆(详见我的2007 年4 月19 日食评), 结果被放弃了.Risotto 唔算香喷喷, 卖相好似好浅色, 一心仲以为要食无味餐, 好在估计错误-- risotto 烟烟韧韧, truffle pate cream sauce 唔杰又唔稀, 味道浓香, 意大利瓜同杂菌又爽又甜, 整体唔漏, 好食!热咖啡饮
先0黎磨菇汤, 味道浓郁, 唔会太「奶」, 几好味; 餐前面包烘得热热的, 有一片pumpernickel 同一个洒满poppy seeds 的圆形面包, poppy seed 包外皮松脆, 入面就好软熟, 就咁食都好好食, 当然涂少少牛油就更香更好食啦; pumpernickel 唔0岩我口味, 亦勾起我0系金钟分店买pumpernickel 食的可怕回忆(详见我的2007 年4 月19 日食评), 结果被放弃了.
Risotto 唔算香喷喷, 卖相好似好浅色, 一心仲以为要食无味餐, 好在估计错误-- risotto 烟烟韧韧, truffle pate cream sauce 唔杰又唔稀, 味道浓香, 意大利瓜同杂菌又爽又甜, 整体唔漏, 好食!
热咖啡饮落一般滑, 不过几香, 都唔错; dessert 0既presentation 几靓, 件puff 系bite size, 入面有极少的cream (系少得食0左都唔觉得有cream 存在), 出奇地脆口又好干, 麻麻0地.
环境设计望落好欧陆roadside cafe 0既感觉, 不过仲嘈过街市, 除0左食客们讲0野好大声(尤其是隔两张台0个两个女人!!!) 之外, 店员们收0野系将d 碟刀叉掟上counter 的, 「砰ling 嘭 lang」得好紧要, 十足中式酒楼茶餐厅, 令人几困扰; service 一样似茶餐厅(仲要系无诚意0个d), serve 我的有两个女店员, 两个都黑面的, 其中一个(年轻, 短发, 戴黑色粗框眼镜, J 字头英文名0个个-- 点解记得咁清楚? 因为佢态度特别差嘛!) 仲会将食具一碟二碟的0野食「车」埋客人面前, 令人为之侧目.
埋单连加一$74.80, 唔算好贵, 不过我食呢餐饭0既心情已经俾「茶餐厅-ness」破坏晒, 即使食物唔错, 亦唔会俾笑面, 而且我相信唔会再帮衬.
张贴
