Cafe Charm's (已結業)

相约左朋友去黄埔睇戏，睇戏前有啲肚饿，途经一间餐厅好似几吸引，就入去食个下午茶。餐厅装修令人有休闲既感觉，阳光透入黎好舒适。焗芝士洋葱烟肉薯皮外皮薄身带脆，薯肉水份冇被抽干，材料有芝士，洋葱同烟肉，可惜芝士既份量唔够，有啲干身，同埋除左烟肉之外，再加啲香脆既烟肉碎口感会更好。花样迷人窝夫烘焗得表层香脆，内层软熟既窝夫，再配上新鲜既士多啤梨同香蕉，而且更有两球雪糕，份量大足，唔似其他餐厅只得一球雪糕，食得最后唔够雪糕，推介。玫瑰朱古力好可爱既小熊拉花，的确成功吸引左女士既目光，上面攻有一片玫瑰干花作点缀，非常可爱。玫瑰花香气扑鼻，配上浓郁既朱古力同香滑既奶泡，非常顺口又唔会过腻。蓝苺乳酪沙冰沙冰搅得非常幼滑，没有大冰块，加上打碎既蓝苺粒，口感丰富，令人透心凉。大至都不错，黄埔终于都有返间见得下人嘅餐厅。