影片
更多
2019-08-23
140 浏览
享受欧陆风情嘅西班牙菜，Reserva Ibéric成间嘅设计都系开放式，有少少酒吧嘅感觉，无论情侣定系成班朋友黎都会坐得好舒服，装修都好有特色，仲挂咗好多西班牙风干猪脾，真系好似地道嘅西班牙餐厅。叫咗一款最新推介嘅西班牙红虾汤面🍜，西班牙红虾居于深海2000米以上，出边真系好难食到㗎！所以佢嘅虾膏非常香浓，成个红虾汤面用咗12公斤虾头加上新鲜茄蓉熬制六个钟，真系唔简单！面身弹牙爽口、汤底浓郁、海鲜新鲜甜美。加上半熟嘅鸡蛋同埋其他配菜，食落口真系淡淡滋味！特登点左两支西班牙啤酒试吓，饮落口比较甜，麦香味都好重，配搭下面嘅西班牙小食真系绝配！伊比利亚火腿拼盘配西班牙蕃茄多士可以选择一人份量或者两人份量，总共有四款火腿，一款系白毛猪，其余三款系唔同月数嘅黑毛猪。我自己最钟意食36个月嘅黑毛猪风干火腿，肉质同味道都恰到好处。芝士拼盘有两款羊香味嘅芝士，三款芝士每样都有20g，伴碟仲配有果仁同埋杏桃。另外仲叫咗个小食套餐，可以自己配搭唔同嘅小食，有成超过20款咁多㗎。！-地中海沙甸鱼伴橄榄油烤蔬菜脆多士一个多士又有鱼又有菜真系好特别，一啖咬落去好似公司三文治🥪有好多层-迷你鞭子香肠配卡拉玛塔橄
叫咗一款最新推介嘅西班牙红虾汤面🍜，西班牙红虾居于深海2000米以上，出边真系好难食到㗎！所以佢嘅虾膏非常香浓，成个红虾汤面用咗12公斤虾头加上新鲜茄蓉熬制六个钟，真系唔简单！面身弹牙爽口、汤底浓郁、海鲜新鲜甜美。加上半熟嘅鸡蛋同埋其他配菜，食落口真系淡淡滋味！
特登点左两支西班牙啤酒试吓，饮落口比较甜，麦香味都好重，配搭下面嘅西班牙小食真系绝配！
伊比利亚火腿拼盘配西班牙蕃茄多士
可以选择一人份量或者两人份量，总共有四款火腿，一款系白毛猪，其余三款系唔同月数嘅黑毛猪。我自己最钟意食36个月嘅黑毛猪风干火腿，肉质同味道都恰到好处。
芝士拼盘
有两款羊香味嘅芝士，三款芝士每样都有20g，伴碟仲配有果仁同埋杏桃。
另外仲叫咗个小食套餐，可以自己配搭唔同嘅小食，有成超过20款咁多㗎。！
-地中海沙甸鱼伴橄榄油烤蔬菜脆多士
一个多士又有鱼又有菜真系好特别，一啖咬落去好似公司三文治🥪有好多层
-迷你鞭子香肠配卡拉玛塔橄榄
香肠嘅肉味加上橄榄嘅酸，非常开胃
-辣番茄汁煮青口
呢个系小食之中最推介，青口同埋番茄汁配合得好好，啲番茄汁仲可以当汤饮添
最后唔少得梗系甜品，职员推介我哋试Churros-西班牙油炸鬼配热朱古力酱，加上咖啡味嘅雪糕🍦，入口即溶。最特别嘅系西班牙油炸鬼，虽然有满满嘅糖粒系面，但系食落去都唔会过甜，超级吸引！
张贴
