小城鎮 (已結業)

呢间北角既餐厅平时行过未必留意到，但其实佢地点方便，就系新都城百货行前D，入面好有欧陆气色，好多火车摆设，系个三五知己或家庭去既好地方。酥皮南瓜汤! 块酥皮牛油味又香又松脆，D汤热辣辣好正，酥皮浸汤好滋味！蟹棒粟米蛋粒沙律配自家制沙律酱超大份，同埋真系fresh因为好多蔬菜，初头以为黄色粒系薯仔但原来系菠萝! 每样食材都新鲜开胃，食完唔会腻！10oz 安格斯肉眼扒配薯条，7成熟，熟度岩岩好冇血！肉质腍，外皮微脆，点埋烧汁好好味! 份量足够而且个厚度好有口感，满足! 地中海海鲜pizza，超足海鲜料，有肥美大虾，又有大大个鱿鱼圈，佢唔系厚批但又唔系薄脆，个厚度都几适中。 蜜桃爆珠梳打同埋芒果爆珠梳打，好靓望落虽然一样样，但闻起就有好香桃/芒果味，有好多爆珠，爽快既口感，不过都较甜，小朋友应该钟意多D。