ROYAL INN

营业中

休息中

呢间喺The One 嘅西式餐厅，走华丽欧式宫廷风格，有白色雕刻圆拱门，好似巴黎凯旋门咁，黑白格仔地板围住出面座位～远面就已经觉得呢间餐厅好华丽，独树一格。💕门口有个好靓嘅打卡位，唔同花同摆设，好啱啲女仔喺度打卡影靓相，入到微暗嘅灯光，加上好靓啲水晶灯同设计得好有格调嘅bar位，环境优美，气氛一流，啱晒happy friday 去～今次叫咗烧安格斯西冷扒，叫咗medium rare，觉得呢个熟度食嘅牛扒最好味😋仲见到啲红肉 ，肉质鲜嫩，好juicy。仲有焗薯做配菜，上面有烟熏左嘅烟肉同酸忌廉，夹埋一齐嚟食好好食。香草牛油焗田螺薯蓉做得好好，好creamy，牛油香草味特出，再配搭埋烘得好脆嘅面包，mix埋嚟食不错蓝莓芝士蛋糕杯雪糕最后当然唔少得甜品，呢间餐厅无论系外型装修做得好好之外，对于食物嘅摆设都做得好出色，盘上面放满碎咗嘅开心果脆脆，可以Mix埋芝士蛋糕或者雪糕一齐食，多咗一个层次感。