焱川 (已搬遷) 新店位置

公司换紧新电脑，除咗遇上各大小问题，晚晚仲要边玩OT，边唱陈百强o既「等，寂寞到夜深。。。」小肥几勤力都好，到时到后个肚仔都会打哂鼓，咁啱欢乐时光要等部电脑自己慢慢载载载，细佬就乘机走咗去附近间「焱川」度轻松一吓。其实每日经过餐厅门口都总会见到两个易拉架广告，道出每晚六至九o既欢乐时光优惠只需$78，即可享用一枝大啤，加四串串烧，听落劲抵。原来店子占用二楼全层，食客必先行上楼梯。楼梯o既陈列架上可见多只超可爱o既史迪仔，嘻嘻，睇黎店主都几迷史迪仔㖞。墙上可见多张清酒o既招纸及小摆设，明显贵客大多为酒客，咁又系，串烧咁香口，送酒真系一流架。用餐大堂全为合拼式散座，开扬通爽。场内播放著平井坚o既歌曲，衬埋暗暗o既灯光，气氛极为轻松，人多开P更可选超抵o既套餐，绝对抵玩！小肥被安排入座围绕著开房式厨房o既十三号吧位，埋位一刻已觉幸运！细佬虽则离师傅个烧炉咁近，意外地走时身上却并无索上任何油烟味，证明厨房o既抽气系统相当好，赞！欢乐时光优惠由食客自填点菜纸，每款最多要一串，流程简易方便。啤酒先到，当然系要同结伴同行o既小迷兵干杯先啦！等待串烧时，XO仔就好随意咁打开个餐牌研究吓，发现串烧平均$