影片
更多
2021-07-28
4782 浏览
过往，都食过好几次日式铁板烧，但就唔算多，一来日本菜都属中上价嘅菜系，二来食有质素嘅铁板烧确喺算高消费。今晚同多年老死豪一豪嚟到位处德己立街嘅「Crown Super Deluxe」叹铁板烧，聚一聚加畅谈一番。唔嚟过「Crown Super Deluxe」都唔知日式铁板烧虽然喺日式菜系，但都同美国有点渊源，受其影响下成长、发展。跟好多主打日式铁板烧餐厅大不同，呢度嘅装修就明显走华丽嘅路线，深紫色地毡，衬橙金色嘅梳化櫈，加上灯光效果、少少节奏强劲嘅音乐，加上晌兰桂芳一带，客人以外藉人士居多，真喺有少少纸醉金迷嘅感觉。晌防疫方面，餐厅都做得好充足，枱上有支好似香水嘅嘢，其实喺喷雾式消毒酒精，而铁板烧枱间隔主要喺以二人位为主，每两个人位置就间咗块超大胶板，客人都应该安心用餐。再者，铁板炉嘅抽风采用下抽式，所以，基本上成晚都唔会见到咩油烟，更唔会食到一身气味。 而枱上，除一贯日本餐厅般摆放嘅湿毛巾供抹手之外，湿纸巾下嘅喺口罩袋，而中间印有店名嘅唔喺餐巾，而喺围裙，顺提一带，呢度除咗「卖环境」，仲有喺「卖服务」，店员本身嘅服务态度已好好，更会主动帮你推櫈，亦会帮你挷上围裙，令人感到宾至如归。 坐
跟好多主打日式铁板烧餐厅大不同，呢度嘅装修就明显走华丽嘅路线，深紫色地毡，衬橙金色嘅梳化櫈，加上灯光效果、少少节奏强劲嘅音乐，加上晌兰桂芳一带，客人以外藉人士居多，真喺有少少纸醉金迷嘅感觉。
晌防疫方面，餐厅都做得好充足，枱上有支好似香水嘅嘢，其实喺喷雾式消毒酒精，而铁板烧枱间隔主要喺以二人位为主，每两个人位置就间咗块超大胶板，客人都应该安心用餐。再者，铁板炉嘅抽风采用下抽式，所以，基本上成晚都唔会见到咩油烟，更唔会食到一身气味。
而枱上，除一贯日本餐厅般摆放嘅湿毛巾供抹手之外，湿纸巾下嘅喺口罩袋，而中间印有店名嘅唔喺餐巾，而喺围裙，顺提一带，呢度除咗「卖环境」，仲有喺「卖服务」，店员本身嘅服务态度已好好，更会主动帮你推櫈，亦会帮你挷上围裙，令人感到宾至如归。
坐定定之后，就睇睇餐牌有咩好食，小弟事后先发觉所影嘅餐牌有啲反光，好彩，官网原来都有餐牌资料，所以，截番晒啲图俾大家做个参考。除咗有散点，亦有多款唔同价位嘅套餐，此外，嚟到都唔一定要食铁板烧，都有刺身、寿司、天妇罗……等等日式食品，不过，面对大大张铁板烧枱，晌度净食刺身、寿司，就有少少违和感啫。故此，我哋当然拣食铁板烧，选咗入门级嘅套餐「Crown」$788 + 10%。
虽然，套餐都指定咗喺美国顶级牛柳或美国顶级西冷，但经理都会「晒冷」佢哋啲靓肉，介绍各种肉嘅级数，此外，晌铁板烧枱嘅一个位置，摆放咗啲德岛蕃茄及其他日本食材，既可装饰，师傅又真喺会直接取用。
餐厅有出自家品牌嘅清酒，以冰滴方式，让客人等候铁板烧期间，可以彼此浅酌。就连接近用餐完毕之时，经理会捧住一盘清酒请客人饮，犹如极尽地主之谊！
不能不提饮清酒嘅器皿，因为，难得经理咁有心，又咁详细去介绍，我都想写番出嚟。套杯喺日本百年铸造工艺品牌「能作」嘅手工锡器，据讲锡器有去除异味嘅功能，令酒变得更好饮。不过，小弟对酒认识肤浅，应吓气氛学人浅酌而已。
既然喺百年工艺，又喺手工锡器，点会就咁一只酒杯先得。反转，会喺唔同嘅动物造型，小弟呢只就应该喺鼠喇。
日本芥菜沙律晌师傅做紧准备功夫，炒定啲德岛蒜片，先嚟一客沙律醒醒肠胃。简单嘅沙律菜，配以南瓜蓉，为今晚嘅美食揭开序幕。
海盐德岛蕃茄平常嘅蕃茄大概3、4度甜度，而经理就话，德岛嘅蕃茄就去到6、7度。蕃茄经过处理，已去咗外皮，先试一口净食，的确，啲蕃茄果肉多而核少，无咗阵酸味，亦无咩涩味，但就保持到蕃茄嘅浓郁香味。再试试沾几粒冲绳海盐，感觉喺会令啲蕃茄味再突出啲。
海盐德岛蕃茄
17 浏览
0 赞好
0 留言
此时，侍应就会送上3款佐料：香蒜豉油、胡麻酱、酱油，前两者都喺自家制，嗒落亦感觉好味啲。
烧时令蔬菜经过沙律、蕃茄后，第一道铁板烧菜式都完成，咪以为就喺将啲野菜煎煎吓，但唔同食材需唔同火喉。3款蔬菜喺薯仔、冬菇及青瓜，烧好之后，都保留到佢哋本身嘅质感，加上啲食材本身喺靓料，食落有种果然唔同嘅感觉。
烧时令蔬菜
10 浏览
0 赞好
0 留言
嚟到今餐嘅重点，我哋两个人，就可以试晒两款肉，师傅除问要几成熟之外，亦会问我哋喺咪「些牙」嚟食，佢就自然上碟时各样都分两份，咁我哋就可以一次过为两款肉作个对比。
其实，食铁板烧另一亮点就喺睇住师傅点样由生肉煎熟，再分切，每一步都好有观赏性。仲有就喺佢哋所用嘅餐具，亦同样好可观、好古雅。
左边喺西冷，右边喺牛柳，配以炒蒜片，佐以日本芥末及海盐。生熟度拿捏得好，西冷好软腍，细嚼后肉味特别出，而牛柳夸张啲讲真喺好肉绵花糖咁柔软，沾点海盐，肉味更突出，最估唔到，原来配蒜片及芥末都唔错㖞。
美国顶级西冷及牛柳
13 浏览
0 赞好
0 留言
蒜香炒饭、日式渍物、味噌汤呢度会将以上3款食物一齐呈上，经理话喺日本嘅一种传统。
睇师傅炒饭亦睇得出功架，不停翻炒，令饭粒跟蛋浆、牛肉粒、蒜粒、葱粒都均匀混和，炒得金黄好睇。 
炒饭入口充满蒜香，又带微微油香，却唔觉油腻，饭粒分明，口感爽身。几口饭，再衬啲渍物，可以喺简单，却味美嘅组合。
味噌汤亦做得有水准，面豉味好浓郁，却喺浓而不浊，加上落咗唔少昆布，暖和好饮。
原来餐厅有甜品供应，不过，就会到隔壁嘅Whisky Lounge享用，一来可以空番一组铁板烧枱做多转生意，二来Lounge呢边气氛更空松，喺享用甜品嘅好地方。再者，负责Lounge嘅职员都解释，威士忌有甜品酒嘅别称。可惜，我哋唔哋好酒之徒，但睇到后面一墙都喺威士忌时，够霸气之余，亦好吸晴。
椰子挞 $168朱古力慕丝蛋糕之外，呢一款椰子挞就喺店中嘅招牌，好美式风格，非常之大件，卖相亦好靓，两个人共享就最好不过。挞壳充满牛油香，十分之松脆，而中间喺椰子吉士，口感柔滑，既有椰香，亦有蛋香，最上层嘅忌廉，洒上椰丝，有画龙点睛之效。
椰子挞
$168
34 浏览
0 赞好
0 留言
上文都讲到呢度唔净止食食食，仲有喺服务，有位外藉大叔（名就唔记得喇），喺驻场嘅魔术师，除招呼吓客人，更不时同客人玩吓一啲骰仔、啤牌嘅魔术，虽然喺简单嘅魔术，但就喺唔明佢点做到！故此，嚟到呢度，真喺跟去传统日式餐厅食餐铁板烧好唔同，喺一次几特别嘅体验。
张贴
