影片
更多
2017-12-26
6256 浏览
补祝老婆生日，唔单止入嚟迪士尼玩番日，仲食番餐好嘅。之前嚟都喺晌乐园里面嘅餐厅度食，今次就走出园外，到迪士尼探索家度假酒店嘅「云龙轩」食晏，听个名好中式，无错，佢其实属于家中菜馆，但逢星期六、日、假期，中午会供应自助午餐（平日中午唔营业）。顺便讲埋，每日朝早供应自助早餐，主要客群就喺酒店住客；而中菜就只有晚市时供应，客群相信酒店客又有，街客亦有。无论酒店又好，餐厅又好，小弟都喺第一次嚟，唔喺讲笑，真喺要预早几星期先订到枱。由门口至餐厅内笼，装修上都唔喺太强烈中国风，配搭走摩登路线，不过，天花吊起长达数十米嘅飞龙纸鸢，以及墙上多张精致嘅彩色墨画，顿时提升中式元素。整体而言，个场其实颇舒服，地方大，楼底高，空间感强，尤其我哋被安排坐近窗边，透进冬日阳光，更添活力。唔少大大细细嘅圆枱，非常适合家族活动，所以见唔少家长专登带埋小朋友嚟庆生，更自备蛋糕。唯一挑剔，就梗喺部份位置枱櫈排得比较密啦。嚟之前都有睇过吓其他人嘅食评，部份评语指嘢食少，我又唔觉得㖞，种类几齐全，至少以小弟咁擦得都试唔晒所有嘢啦，哈哈！食物区就晌入门右手边，全集中于一处，唔使周围游，而且，全部以开放式厨房设计，睇住师傅做菜，
顺便讲埋，每日朝早供应自助早餐，主要客群就喺酒店住客；而中菜就只有晚市时供应，客群相信酒店客又有，街客亦有。
无论酒店又好，餐厅又好，小弟都喺第一次嚟，唔喺讲笑，真喺要预早几星期先订到枱。由门口至餐厅内笼，装修上都唔喺太强烈中国风，配搭走摩登路线，不过，天花吊起长达数十米嘅飞龙纸鸢，以及墙上多张精致嘅彩色墨画，顿时提升中式元素。
整体而言，个场其实颇舒服，地方大，楼底高，空间感强，尤其我哋被安排坐近窗边，透进冬日阳光，更添活力。唔少大大细细嘅圆枱，非常适合家族活动，所以见唔少家长专登带埋小朋友嚟庆生，更自备蛋糕。唯一挑剔，就梗喺部份位置枱櫈排得比较密啦。
嚟之前都有睇过吓其他人嘅食评，部份评语指嘢食少，我又唔觉得㖞，种类几齐全，至少以小弟咁擦得都试唔晒所有嘢啦，哈哈！食物区就晌入门右手边，全集中于一处，唔使周围游，而且，全部以开放式厨房设计，睇住师傅做菜，卫生做得好先敢咁做，兼不断有新鲜菜式补上。跟住落嚟，就等小弟逐个片区介绍！
沙律、冷盘、寿司晌度无提供一般自助餐常有嘅冻海鲜，唔知会唔会就喺咁而被人觉得少（回本）嘢食。一列层架有数款沙律菜，配3款酱汁，不过，就无咩其他配料，自助沙律吧嘅阵容弱啲，而预制沙律亦喺有几款，例如绿茶酱田园沙律、泰式牛肉沙律、印尼加多加多沙律、天多尼鸡肉沙律。
冷盘又有乜，数一数有层架中嘅烧吞拿鱼配芥末香草酱，以及冻虾同八爪鱼薄片。
寿司及寿司卷就放晌另一边层架，寿司款式共4款，包括吞拿鱼、甜虾、八爪鱼及三文鱼，并有一整碟什锦寿司卷。
第一道菜拣咗啲沙律菜，再搭啲冷盘同生果，喺非常清新健康嘅前菜。沙律菜好新鲜，入口爽脆，众多款冷盘又各有特色，冻虾弹牙鲜甜，而生果有益健康，多食无妨，当中菠萝及蜜瓜非常之甜。
热盘、面包热盘类分得比较散啲，十多款热盘摆咗晌几个片区。先喺晌沙律、冷盘隔离就有4款热盘，金黄煎虾饼、浸龙利柳配冬荫公汁、意式烩牛肉、天多尼烧羊架。
再行过少少，面包篮有3款欧陆式小面包供应，跟住喺人参鸡汤、厨师海鲜精选、喇沙汁香炒亚洲杂茶、咖喱牛油鸡；继续沿边走，有多款中西式热盘，如红酒烩牛尾、咖喱龙趸头腩、香辣紫洋葱爆鸡球、客家话梅扣鸭煲、菠萝咕噜肉、烧味……等等；走远少少一张食物枱，仲有足料老火汤、什菌海鲜炆伊面、金瑶海鲜炒饭、蒜泥鸭胸……美食。
中式冷盘可能由于本身喺中餐厅，所以，加插一啲中式冷盘，如麻酱凉拌茄子、凉拌藕片小木耳、京式拍温室小黄瓜、五香卤水牛小排、五香卤水墨鱼片……等，对外国游客而言，喺几富中国特色。
第二道菜汤品就黐老婆嘅，食第二碟就以中式冷盘配热食，啲藕片、青瓜好爽脆，正正可以平衡一吓啲肉类；而羊架烧得软腍，牛尾烩得松化，件咖喱牛油鸡超好食，咖喱香味富层次。
中式粥品一大锅柴鱼花生猪骨粥，再搭6款配料：油条、脆花生、菜甫、芫荽、皮蛋及葱花，粥品对外国游客同样有一定吸引力，不过，唔喺即场制作嘅生滚粥，感觉都喺差咗一截。
新鲜生果生果晌自助餐嘅角色喺大茄，无又唔得，有又唔会特别吸引。无论点，餐厅提供5款生果：蜜瓜、西瓜、菠萝、哈蜜瓜及火龙果，此外仲有原个苹果、青苹果、香橙，都可以随意享用。
甜品区接落嚟介绍甜点，除咗中式点心（因为云龙轩始终喺卖中菜为主），甜品应该喺佢哋嘅另一主打，唔单止款多，亦做得相当出色，而且，全部均做件装，的的骰骰咁，不少加入迪士尼人物或圣诞元素，以期吸引「小客人」。
既然有咁多款式，就等小弟详细介绍吓，左右两边有两组甜品，分别左边有苹果挞、圣诞葡萄干甜面包、小蛋糕，就连放晌枱上嘅「士的」糖都可以拎架；右边则有芒果奶冻、绿茶卷、圣诞树蛋糕、什锦曲奇、椰汁马荳糕、咖啡奶冻、咖啡千层糕。
中间位喺两个冻柜，一边有3款意大利雪糕及多种配料，另一边喺迷你件装蛋糕，款式包括木糠布甸、纽约芝士蛋糕、旅行者蛋糕（咖啡朱古力蛋糕）、蜜瓜杏仁豆腐、什果芒果啫喱、特浓朱古力蛋糕、绿茶红豆云呢嗱布甸、三色朱古力饼、蓝莓芝士饼、歌剧院朱古力饼、柠檬杏仁挞、石榴水晶啫喱，足足成12款，又做得咁靓，真喺想试匀晒架。
厨师即煮：粉面、点心行到食物枱尾，就喺一大组中式食物嘅即煮厨房，清楚睇到厨师们晌后方密完制作，而对游客及上年纪嘅客人，点心绝对喺心水食物。
先有即煮粉面，啱晒想饱肚嘅朋友。简单介绍吓，𩠌料有牛腩、牛丸、鱼蛋、鱼片头、云吞……等地道粤式粉面食物，仲有埋什菌、时蔬；一旁有多款酱料及配料备用。
最后要介绍喺点心喇，专登僻成一角，部份点心以蒸笼热住，部份就以小木盒盛起，仲摆得好精致，后面嘅厨房，小批量制作点心，保持新鲜度。选择唔少，有烧卖、虾饺、潮州粉果、叉烧包、凤爪排骨蒸饭、香茜陈皮牛肉蒸饭，以及即拉韭黄鲜虾肠粉及香茜叉烧肠粉，讲到即揾拉唔喺随口噏，睇住个女师傅仔晌后面密密拉，小弟专登就等到佢拉啲「新鲜」货先拎呀；
另一边就仲有鸡丝春卷、叉烧酥、迷你蛋挞、煎上海窝贴、炸奶皇包、荔芋煎堆仔、芝麻糊，咁多香口炸嘢，就连奶皇包都喺炸嘅，啱晒我啦。
第三道菜既然放咗咁多资源做点心，所以，少有咁都试一试，除咗盅头饭，样样都夹啲嚟一尝。整体，啲点心做得唔差，虾饺皮薄唔黏牙，啖啖虾肉，煎堆仔香口充满芝麻香，肠粉拉得够薄够滑。
第四道菜回吓气之后（即喺同啲迪士尼朋友影相时段），就喺大叹甜品时刻，因为实在款式超多，取舍都唔容易。所拣嚟嘅12款甜点，虽然老婆话有点偏甜，但小弟就觉得OK，而最欣赏喺苹果挞、绿茶卷、旅行者蛋糕、特浓朱古力蛋糕、歌剧院朱古力饼、三色朱古力饼、石榴水晶啫喱（有果肉架），朱古力系嘅甜品水准高。结果，食完啲甜品超饱，啲雪糕想试却要无奈放弃！
饮品提供基本嘅选择，都喺热咖啡、热红茶、冰咖啡、冰红茶及柠檬片。用餐期间，就冲杯冻柠茶，甜品时间就衬杯咖啡先。
不过，最得意喺旁边有啲细个时嘅扭扭糖果机，仲记得好似入两亳就可以扭一次，好有童年回忆架。
食到大概1:30pm左右，传来一阵阵起哄声，原来有迪士尼人物出场，先喺米奇及米妮，再隔多一阵就见埋高飞，一身更喺探险装束，配合番酒店形象，咪话啲细路啦，就连啲家长都标晒出嚟影相，场面墟冚至极。其后，三位迪士尼朋友更同大人小朋友玩拉龙，绕场一周，可谓炒热气氛至高点。
其实，无需急于影相，因为每一个人物都会逐枱埋去同客人合照，而且，更有随行「大会指定摄影师」，影完可以帮衬佢哋买番张大相连封套，如果唔想嘥钱，一样可以俾部手机或相机佢，照帮你拍，而且，水准唔错㖞！最有趣喺有啲小朋友更着埋迪士尼朋友嘅打扮，以公主造型最多，更不时见到好多爱莎公主喺你面前走嚟走去，感觉奇幻，而我枱后嘅细路就成个铁甲奇侠咁款，型到爆，真喺唔可以唔帮佢影番张相。
食完饭并未即走返去乐园，因为难得过到嚟，都顺便探索一下迪士尼探索家度假酒店，对呢间酒店印象几好，钟意佢有种原野情怀，由酒店大堂到户外地方，装修都甚富特色。
嚟迪士尼就算唔住，入一入乐园，食餐饭，都喺颇高消费嘅活动，不过，又真喺令人几开心嘅。
张贴
