Ask For Alonzo (黃泥涌道)

营业中

休息中

五点半收咗工要等到七点先有饭食，饭前当然系要去寻欢啦！订咗位喺跑马地食，好自然地同选于跑马地饮，地点由地胆番薯Uncle话事，一试叮叮总站旁间「Ask For Alonzo」。地舖于十八度气温下竟然仲开紧暖气，好在正门两边有室外座，小肥先唔洗边饮边滴汗，唯一辛苦在不停要食路人嘅二手烟。嘻嘻，最开心系遇上生紧月嘅E先生，终于可以为爵屎契妹影相交差。餐店每日下午三点至八点为欢乐时光，两页餐牌列出指定优惠酒品及小食。House Prosecco（$48/杯）：第一杯汽酒上枱时明显冇乜气，饮落仲似白酒多啲，一向唔怕羞嘅XO仔即时同外籍哥哥仔反映，佢急忙道歉并解释可能因为酒酒隔咗一晚夜漏咗气，结果更迅速地开樽新嘅，态度坚诚恳！Ham & Cheese Truffle Toast（$78）：新鲜烘出嘅多士十分松化，夹喺中间嘅火腿芝士份量恰到好处，三文治简单香口，美中不足就系稍欠松露香。意大利小馆「Ask For Alonzo」格调轻松，虽然酒酒一般，但胜在服务生友善落力，小食轻盈可口，成功为黄昏倍添欢乐。