滿屋日本料理 (已結業)

耳机播著HOCC首「全凭手中的偷拍照…」，XO仔就喺铜锣湾街头全凭手中的传单，得悉「满屋日本料理」晚市放题可任点鱼生，及任饮麒麟啤。睇到有啤酒任饮，价钱仲包埋食，绝对抵过区内o既欢乐时光优惠，第一时间就谂起人称「啤王」o既老五！为求明目张胆地去饮餐饱、拆餐劲，二人就相约好周二晚准五点半食欢乐放题，叹足三个钟。两口子被安排入座房内o既半梳化式散座，比起想像中阔落舒适。桌上摆放著两本厚厚o既彩图点菜纸，简单易明，菜式即点即上，感觉卫生，食得放心。虽说食客如七点半前离座可享八五折优惠，但面对著劲饮得同吹得o既老五，条数计落，俾佢主攻麒麟啤，饮多一个钟系绝对抵过全单八五折，结果三个钟饮咗二十罐，哗哈哈，超抵！唔好队啤o既朋友唔洗担心，自助茶水部有多款冻热饮品提供，汽水、茶、特饮等等，真系好多野拣。点完头轮食物，老五就先喺自助冷盘区砌咗碟惹味o既小食拼盘黎送酒，醒神又醒胃，果然系饮家！食日式放题，相信大家主力都会系攻刺身，我地都唔例外，前后点咗两大盆，上枱已觉震撼！刺身中，个人首选爽润脆滑o既大赤贝。鲜甜肥美o既油甘鱼亦属必吃之列！带子刺身幼嫩滑溜。北海道角螺刺身则爽脆弹牙。三款虾刺身中，个人偏