影片
更多
2014-09-16
2393 浏览
上一次既高木唔可以话满意到我心心眼，只可以话系哩个价钱下，佢唔算系水准以下。要你好想成日去帮衬下咩？佢未去到果个层次。但鸟烧居，佢唔会令到有哩种到喉唔到肺既感觉，你去过，就会知道哩间老店点解可以系尖东做到咁耐。当大富豪、中国城一间间唔系度既时候，佢其实系少数睇到尖东夜生活既食店。当然，以价比价，我建议大食友请做好打底准备，唔好谂住以食串烧来饱肚。鸡心：食烧鸟唔食内脏的话，真系等于食炒牛河走牛肉咁，完全冇晒意义。鸟烧居既鸡心火候刚刚好，唔会过老，弹牙既口感配合酱油、鸡油系烧过后既香气，真心冇得输。免治鸡肉：间间做法唔多相同，个人喜好则系喜欢多碎软骨，鸟烧居既鸡肉串唔系哩种做法，但完全冇阻碍我对佢既喜好，调味合益，咬落去有肉汁，加上蛋液既增润，口感上系非常顺喉的。鸡肝：同鸡心相同，同样系重口味，但口感则系行棉密路线，加上鸡肝独有既甘香味，送啤一流。牛舌：哗。真心，我一向偏好厚烧兼重调味，但鸟烧居既牛舌系薄切兼加些少香辛料调味，果种脆、香、辛一次过系口腔爆发既感觉系值得你叫多串的，虽然一串要二十几个大洋，哈哈。鸡皮蒜子：有脆口、鸡油香、而蒜既辛辣味几火烧后其实唔重，都唔错。鸡软骨：唔会有得输
要你好想成日去帮衬下咩？佢未去到果个层次。但鸟烧居，佢唔会令到有哩种到喉唔到肺
既感觉，你去过，就会知道哩间老店点解可以系尖东做到咁耐。当大富豪、中国城一间间
唔系度既时候，佢其实系少数睇到尖东夜生活既食店。当然，以价比价，我建议大食友请
做好打底准备，唔好谂住以食串烧来饱肚。
鸡心：
食烧鸟唔食内脏的话，真系等于食炒牛河走牛肉咁，完全冇晒意义。鸟烧居既鸡心火候刚刚好，
唔会过老，弹牙既口感配合酱油、鸡油系烧过后既香气，真心冇得输。
免治鸡肉：
间间做法唔多相同，个人喜好则系喜欢多碎软骨，鸟烧居既鸡肉串唔系哩种做法，但完全冇阻碍
我对佢既喜好，调味合益，咬落去有肉汁，加上蛋液既增润，口感上系非常顺喉的。
鸡肝：
同鸡心相同，同样系重口味，但口感则系行棉密路线，加上鸡肝独有既甘香味，送啤一流。
牛舌：
哗。真心，我一向偏好厚烧兼重调味，但鸟烧居既牛舌系薄切兼加些少香辛料调味，果种脆、香、辛
一次过系口腔爆发既感觉系值得你叫多串的，虽然一串要二十几个大洋，哈哈。
鸡皮蒜子：
有脆口、鸡油香、而蒜既辛辣味几火烧后其实唔重，都唔错。
鸡软骨：
唔会有得输，火喉得益，又系送啤良品。
新鲜银杏：
估唔到系成晚最贵，但我又觉得还好，未去到唔食有损失既地步。
大葱，菇，豆腐，茄子，椒：
正常水准，对于食肉兽来讲，唔食哩d，便便点算好？
当然，讲到尾，鸟烧居既另一个卖点就系佢既气氛，你要装修？佢冇，你要清静？佢冇。
你要客气、生熟客一视同人，佢都冇。但佢就好似大阪梅田食街果d烧鸟舖头一样，系办公室友
放工来唏嘘、来嘻哈、来饮酒既天堂。哩d，先系叫「风味」。
#饭聚感
张贴
