影片
更多
2018-01-13
142 浏览
新一年话咁快就到，原本以为今年应该无咁忙。点知，原来「世上没有最忙，只有更忙」!!连续成个星期OT之后，我同朋友终于有时间好好食番餐。因为我地两个都想重现笑颜，所以今次突登拣左呢间以马戏团为主题嘅餐厅 -- White Button Cafe & Dessert。一出lift口，我地就见到一幅充满童真嘅壁画。图案简单得黎又不失创意。行入去，我地发现地方寛敞，岩哂一班朋友系度密密倾呀！可能因为我地6点几就黎到，所以间舖无咩人。我地一致拣左个小小角落，开始我地嘅「促膝详谈」。如果大家口渴，可以自行去到「自助吧」拎樽装水，同埋水杯架。同时，一叠叠纸巾就放系旁边等人自由取用，非常贴心。拎完水同纸巾，又到左我地最头痕嘅时刻 -- 点餐时间。老实讲，虽然我嘅「选择困难症」近年稍微有啲好转，但见到餐牌上有咁多好野食，我地又好难一时三刻做到决定。芝麻鸡翼 $58点主菜之前，我地已经第一眼系餐牌睇中呢碟鸡翼。结果的确无令我地失望，鸡翼只只都煎到香喷喷，芝麻紧紧黏住鸡肉，令原本鲜嫩嘅肉质多添咗一份烟韧口感。一份鸡翼有四只架，岩哂我地两个开心share！加拿大海胆南瓜意粉 HK$158唔讲唔知，原来呢款
连续成个星期OT之后，我同朋友终于有时间好好食番餐。因为我地两个都想重现笑颜，所以今次突登拣左呢间以马戏团为主题嘅餐厅 -- White Button Cafe & Dessert。
一出lift口，我地就见到一幅充满童真嘅壁画。图案简单得黎又不失创意。
行入去，我地发现地方寛敞，岩哂一班朋友系度密密倾呀！可能因为我地6点几就黎到，所以间舖无咩人。我地一致拣左个小小角落，开始我地嘅「促膝详谈」。
如果大家口渴，可以自行去到「自助吧」拎樽装水，同埋水杯架。同时，一叠叠纸巾就放系旁边等人自由取用，非常贴心。
拎完水同纸巾，又到左我地最头痕嘅时刻 -- 点餐时间。老实讲，虽然我嘅「选择困难症」近年稍微有啲好转，但见到餐牌上有咁多好野食，我地又好难一时三刻做到决定。
芝麻鸡翼
$58
12 浏览
0 赞好
0 留言
芝麻鸡翼 $58
点主菜之前，我地已经第一眼系餐牌睇中呢碟鸡翼。
结果的确无令我地失望，鸡翼只只都煎到香喷喷，芝麻紧紧黏住鸡肉，令原本鲜嫩嘅肉质多添咗一份烟韧口感。
一份鸡翼有四只架，岩哂我地两个开心share！
加拿大海胆南瓜意粉
$158
6 浏览
0 赞好
0 留言
加拿大海胆南瓜意粉 HK$158
唔讲唔知，原来呢款意粉系季节限定架，系旧年年底先登上餐牌。
甜甜地嘅南瓜汁配系鲜味十足嘅海胆度，竟然一啲都无遗和感。我想特别赞下佢个意粉，因为佢非常弹牙，食到我地两个都停唔到口呀！
我个人觉得，如果碟意粉可以再大份啲，就perfect啦！
轻煎香草肉眼牛扒
$128
13 浏览
0 赞好
0 留言
轻煎香草肉眼牛扒 HK$128
黎到西餐厅，唔叫番扒类，总觉得差咁啲野。点餐个阵，我地一直系肉眼扒同西冷扒度争持不下，因为真系两样都好想食。
侍应见我地咁头痕，就推荐左肉眼牛扒畀我地，因为无论系脂肪比例，定肉汁上，肉眼扒都更胜一筹。
上菜个阵，份牛扒系微型铁板上面发出「滋滋声」，好似话畀我地听佢有几咁新鲜。
食到咁上下，我地就黎到呢个photo booth影相，为今日嘅聚餐作结。
有好野食，再辛苦工作都系值得嘅！
张贴
