影片
更多
2024-07-08
498 浏览
两个人即兴入西贡谂住舒舒服服食个晚餐，见到主打龙虾主题餐厅所以就试试佢。👨🏻门口一位男士好nice咁介绍门口啲餐牌有$168龙虾三道菜、有主菜买二送一前菜、有好靓嘅新鲜生蚝买四送一等等啦⋯⋯入到去坐低饮杯水，👩🏼🦳有位女士就俾餐牌我哋睇，但系就冇头先门口介绍嘅餐，所以要问先会再俾你睇，同埋不断强调食材新鲜好好味。👩🏼🦳俾嘅餐牌都系啲冇标明价钱嘅菜式，又或者系二人晚餐$688、$788等。咁由于唔系咩特别日子就唔需要食咁贵嘅套餐啦，何况第一次食，要试过先。👦🏻我👩🏻朋友👦🏻：拣住先，我洗手间。（一起身，望到枱面已经有只小昆虫，西贡有昆虫仔唔出奇，泼走佢啰。行多几步，去厕所嘅走廊上有只活生生大🪳，冇错系活生生有翼嘅大曱甴系地典下典下。我就吓一跳啦，Bar枱男士👴🏽见况好快就清走咗🙂）👦🏻：头先有好大只曱甴🪳啊，吓死我。你拣好嘢食未？👩🏻：我地试吓头先门口介绍嘅$168龙虾三道菜啦，啲食物相都几吸引，意粉有龙虾头系到好似几好。👦🏻：好呀，落嗌住先。于是向👩🏼🦳落单👩🏼🦳：好，龙虾三道菜，跟住呢？👦🏻：我哋落住先，其他仲拣紧唔该👩🏼🦳：$168餐两个人只可嗌一份，通知声你👦🏻👩🏻：。
👨🏻门口一位男士好nice咁介绍门口啲餐牌
有$168龙虾三道菜、有主菜买二送一前菜、有好靓嘅新鲜生蚝买四送一等等啦⋯⋯
入到去坐低饮杯水，👩🏼🦳有位女士就俾餐牌我哋睇，但系就冇头先门口介绍嘅餐，所以要问先会再俾你睇，同埋不断强调食材新鲜好好味。👩🏼🦳俾嘅餐牌都系啲冇标明价钱嘅菜式，又或者系二人晚餐$688、$788等。咁由于唔系咩特别日子就唔需要食咁贵嘅套餐啦，何况第一次食，要试过先。
👦🏻我👩🏻朋友
👦🏻：拣住先，我洗手间。
（一起身，望到枱面已经有只小昆虫，西贡有昆虫仔唔出奇，泼走佢啰。行多几步，去厕所嘅走廊上有只活生生大🪳，冇错系活生生有翼嘅大曱甴系地典下典下。我就吓一跳啦，Bar枱男士👴🏽见况好快就清走咗🙂）
👦🏻：头先有好大只曱甴🪳啊，吓死我。你拣好嘢食未？
👩🏻：我地试吓头先门口介绍嘅$168龙虾三道菜啦，啲食物相都几吸引，意粉有龙虾头系到好似几好。
👦🏻：好呀，落嗌住先。于是向👩🏼🦳落单
👩🏼🦳：好，龙虾三道菜，跟住呢？
👦🏻：我哋落住先，其他仲拣紧唔该
👩🏼🦳：$168餐两个人只可嗌一份，通知声你
👦🏻👩🏻：。。。。。。
然后见到买二主菜送一前菜嘅餐牌上有样煎鳕鱼扒想试，于是乎就想嗌一个餐试试
👦🏻：唔该想嗌多份煎鳕鱼扒
👴🏽：仲有呢？呢个餐牌系嗌两份主菜送一份前菜
👦🏻：我唔需要送前菜啦，因为先前嗌咗份$168龙虾三道菜，单嗌一份可唔可以？
👴🏽：梗系唔得啦，呢个餐牌做紧优惠架嘛，一定叫拣两个
👦🏻：咁我哋再拣下先
👦🏻👩🏻：点算呀，再嗌两份主菜一定食唔晒㖞，其他选项又冇乜兴趣（煎鳕鱼扒已经$2x8）
👩🏻：唔紧要啦，再睇下有冇其他可以散叫（再睇咗阵餐牌都系拣唔落手）
👩🏼🦳：（见我哋未嗌第二个餐就自动走埋嚟）
👩🏼🦳：拣唔拣到呀，我哋xxxxx都好好食架
👦🏻：。。。。。。
👩🏼🦳：嗱我哋计人头，你哋最少都要嗌多个pizza（佢高音兼且语气不佳地讲低呢句就走开咗。
然后👴🏽开心上$168龙虾三道菜
👦🏻👩🏻：。。。。。。哇，个苹果沙律啲苹果好好刀工，薄片又透光。
👦🏻：呢啲龙虾嚟架？长条状红白色咁似蟹柳嘅？😂
👩🏻：🤣🤣🤣佢呢三片苹果加埋先等如我平时食苹果嘅1/4旧
👦🏻：👩🏼🦳岩岩咁讲咩意思？系咪我哋拣唔到第二个𩠌就会按人头收返我哋一份pizza钱？
👩🏻：听落就系要我哋点都嗌多啲嘢食啦。
👦🏻：吓，咁咪即系想逼我地食，我拣到又唔俾单嗌，系都要人地叫多两道主菜，咁冇弹性，依家仲俾说话我哋听，吓我哋唔嗌多样就跟人头收。。。。。。佢咁嘅态度我已经唔想嗌
跟住龙虾春卷嚟啦，试试先
👦🏻：啲龙虾系边度呀？我咬开一半都揾唔到，又冇龙虾味🤨好彩有酱沾下冇咁dry
（由于好肚饿摆盘亦不吸引我哋影相，所以沙律同春卷冇影相）
👦🏻：龙虾意粉呀，试咗龙虾先。。。。。。龙虾肉有碎壳嘅，又冇龙虾味🌚，试埋啲意粉，有渣嘅，啲汁唔咸唔淡咁得啲花味。
👩🏻：我都觉，好难食
👦🏻：唔好食了，埋单啦，费事人地再俾说话我哋听，我哋又嗌咁少。
👩🏻：佢唔系话要最少要嗌多个pizza咩，如果唔系收多份人头费㖞。
👦🏻：唔好咁痴线啦，门口招生意个个都冇讲，入到嚟住低都冇讲，我睇匀晒啲餐牌都冇写最低消费架，唔使惊㖞，冇得逼人落单。
👦🏻：埋单唔该
👴🏽：我地最少要嗌两个餐（坚持
👦🏻：吓！我入门口你冇讲㖞，我唔会俾咩按人头收费
最后👩🏼🦳出声讲算啦！
佢哋先放弃追收呢份人头pizza$
总结：勇者们有预算先好去食呀，想坐低饮杯啤酒应该冇乜可能，见你嗌得咁平就主动俾说话人听，仲吓人按人头，原来做生意靠吓。可一不可再☺️
龙虾三道菜
$168
13 浏览
0 赞好
0 留言
张贴
