加藤日本料理 (已結業)

仲记得系旧公司时代,我临走一顿午餐,好同事们就系系呢度farewell我,我地五个人要左一个四人套餐,再加一个海炒饭,已经食到好饱,每人都只系几十蚊,好味又抵食!其中我好钟意个餐既炸豆腐,唔好以为炸就好油腻,事实刚相反,佢可以做到不油不腻,外脆而内软,豆腐仲好滑好热,真系好考功夫,能在此店食到咁高质素既炸豆腐,系我既一个惊喜!另外要一赞既系烧鱼(唔记得系咩鱼,个名几特别既),有两大条,好多肉,烧得又香又脆,又唔会腥㖞!人人都话好味!而海炒饭亦系佳作,炒得干爽唔油,又够料兼大碟,好好!同埋呢,我地虽然要四人餐,但侍应见我地五个人,主动送多碗饭俾我地,虽然碗饭唔值咩钱,但都觉得佢好细心同好好人!唯一美中不足系个餐唔包甜品,如果唔系可以食下既日本绿茶雪糕就最好!不过其实已经好饱,咁无所谓啦!