3R (已搬遷) 新店位置

有个同事LAST DAY，于是就搞左个FAREWELL PARTY，因为公司近既关系，于是就包左呢个场一晚。入到去俾我既感觉唔错，虽然地方唔系大，但胜在环境舒适。侍应就唔系好多，可能我地加埋都有三四十人、所以都有少少做唔切。黎得呢D餐厅食野就预左『慢工出细货』，所以我地都唔期望会好快食完既。头盘有香煎法国鹅肝配黑醋浓汁、意大利火腿蘑菇芝士焗生蚝、焗大虾伴杂菜沙律任择其一；新鲜蕃茄汤；主菜有烧法国有机春鸡配香草酱油汁、意式焗鲜班配蕃茄汁、扒和牛配干邑胡椒烧汁任择其一；仲有个餐饮。野食算唔错，头盘拣左焗生蚝、主菜拣左扒和牛，先讲焗蚝，味道真系唔错，但略嫌少得滞，只系草草的两只。之后既新鲜蕃茄汤就好好饮、配埋面包真系一绝。主菜既扒和牛肉汁鲜美、五成岩岩好、唔多唔少﹗因为呢个SET DINNER系无配甜品既，所以无评语。不过我谂平时去既话应该都会包埋既。