不toast不快 (已結業)

是日要去葵青剧院睇舞台剧，晚餐梗系要去隔离葵广扫街啦！之前经过已经见到有呢间舖头，俾我个感觉好似韩国嘅issac toast，成两年冇得去旅行，一于就试吓呢间舖头嘅多士，怀念下啦。行到去见到有两个toast新鲜岀炉俾客，好似都系芝士蛋，决定跟风先，实无死😂流心芝蛋拉丝吐司($34)，由于系即叫即整嘅关系，等左大概7-8分钟左右就有得食啦！拎上手好重身，感觉到系真材实料，旧蛋有成吋厚，加埋块寸几两寸厚嘅面包都应该够食。一食落去食到牛油咸香味，面包两面都用唔牛油煎香过，所以应该蛋唔洗落太多调味料都够味。蛋够滑，虽然有一块芝士系蛋夹住，但芝士己经完美融入左蛋入面，唔会话食到一旧一粒嘅芝士，每次咬完都会有芝士丝拉岀黎，好满足！ 芝士蛋同面包中间有少少椰菜，食落唔会太济！ 估唔到葵广都有高质嘅厚多士，虽然同韩国issac toast 完全两种味，但食到呢个己经止到瘾！☺️