傷心酸辣粉 (天瑞路) (已結業)

突然好想食惹味川菜，但又唔想去咁远，食附近既伤心酸辣粉都可以满足到。最意想不到既系炸花枝丸，炸到金黄色既外皮，弹牙厚肉既花枝丸，配埋泰式辣酱真系估唔到可以咁好味。凉拌海带丝够酸够辣，海带仲好厚肉好爽口，系好开胃既小菜。酸辣粉既配料丰富，有花生、麻辣榨菜、咸香肉碎、新鲜芫荽葱，令原本鲜味既汤底更加多层次，加埋烟韧薯粉一齐食好过瘾。另一样推介既小食系招牌肠头，炸至香脆既猪大肠沾落香料同椒盐，配搭满分，令味道变得更香，几特别，最重要既系价钱十分合理。环境同服务方面就中规中矩，坐都算舒服，座位之间唔会太挤逼。