泰嘟嘟

营业中

休息中

太耐无去泰国，好挂住家乡菜，于是同朋友相约黎大角咀呢间泰嘟嘟食个晚饭。最先吸引我地系冬荫公海鲜汤，有个小火炉热住，冬荫公味浓郁而且唔会太过酸，海鲜都好重手。另外再试埋明炉花甲锅，一样有个小火炉，但花甲锅无冬荫公甘浓味，但花甲汤非常惹味，好快饮清光。主食试左虾酱肉碎炒饭，估唔到份量甘多，3-4人食就刚好，炒饭有获气。另外仲叫左海南鸡饭，海南鸡皮薄而鸡肉好滑嫩，仲要无骨架。配埋油饭食就一流！铁板蚝仔炒蛋都唔错，蚝仔好鲜味，炒蛋都够滑嫩。马拉盏炒椰菜苗都炒得够火喉，睇黎佢既炒野都几出色！肉碎生菜包更系必点啦，肉碎味道唔会淡茂茂或者唔太咸，味道适中。