博多拉麵別天神 (已結業)

之前通常都系自己揾食时去食拉面，今次同朋友尖沙咀揾野食，拉面瘾起，拉左佢一齐去附近亚士厘道呢间别天神😌😌一人叫左一个set，拉面就我食豚骨，佢食虾味噌，小食就叫晒2款share食😎🥢 豚骨汤面汤底香，对比起我之前中环分店食我觉得无咁张住个嘴，不过都系好浓郁😁 佢2块肉都好厚🤩 蛋系适量嘅流心，面个软硬我觉得都适中👌🏻🥢 虾味噌豚骨汤面朋友话碗面好丰富，除了一只半熟蛋，仲有好吸引嘅系一大堆樱花虾！入面仲有两大块厚厚嘅叉烧，肥瘦适中，觉得几好食。仲有一堆粟米和一块紫菜添～佢钟意别天神个面底系幼面，话挂汤力好好，一啖面已经充满左虾味噌嘅香味，不过话如果面条稍为硬多少少就更好喇。汤头味道浓厚，但唔会好似有啲拉面店咁死咸，仲有虾嘅鲜味。🦐🦐🥢 小龙虾蟹子沙律朋友第一次食话估唔到配几块紫菜，好似食海胆咁包住啲小龙虾沙律一齐食😆😆 觉得好正咁话😋 用紫菜包住小龙虾，啲龙虾肉都几大旧架～🥢 饺子跟餐有4只，散叫就6只，每只饺子都大小均匀，唔会痴住痴到啲皮都烂哂，唔错呀～朋友满意，我亦都满足到自己拉面瘾😎😎 very good😁