鴨子園 (已結業)

今日入左天水围探朋友，晚餐佢哋带我来食京川沪菜鸭子园。听朋友讲天水围的大商场都欠缺美食，来来去去都系快餐。近来呢个商场重新装修，佢地话住附近的街坊终于有啖好食，成个商场因此多左好多人气。店名叫得鸭子园，相信系呢度的鸭不得不叫。北京烤填鸭半只$138鸭皮香脆，略嫌唔够薄。肉质鲜嫩适度，配以大葱丝、青瓜条、甜酱，用薄饼皮卷住同食，非常滋味。份量多，足够4个人食用，每人都有2-3件。鸭肉小笼包4只$43普通的小笼包食得多，呢度有比较特式的鸭肉小笼包，当然要试一试咩味道。小笼包皮薄多汁，整粒一啖入口，有浓淡得宜的鸭汤味在口内泻出，好食!腿茸津白$70津白爽口清甜，够白够嫩。相比奶油津白，我哋比较钟意腿茸津白，因为奶酥味较少，感觉更清新健康。山煎鲜肉包3只$36肉馅饱满，如包底煎得更脆会仲好。京城粗炒$68配料丰富，有大量椰菜丝、菇丝同肉丝配料，粗面条腍中亦有嚼劲。色泽虽然深，但入口反而味淡，我就加埋豆瓣酱丰富一下味道。另加一及茶介每位$4此行感觉天水围都有唔错的食市，一改我以往对天水围的迷思。