正九清湯腩．冰室 (美輪大廈)

营业中

休息中

之前喺九龙区食过佢三间唔同分店嘅出品都有一定嘅保证。最近知道佢终于喺北角开咗，终于唔使出九龙都可以食到喇。北角呢间分店个名系正九清汤腩冰室，同九龙几间嘅舖头唔同，呢间做埋冰室，有中式小炒可供顾客选择添。我哋叫咗一个百搭套餐（包两个白饭）。鲜花椒酸菜鱼：鲜花椒嘅味道就系同干嘅唔同，花椒嘅香味更加突出惹味。鱼肉好大片爽口。起码有十几片鱼肉。应该系鲈鱼肉黎（唔系𠮶啲cheap cheap鱼）。入边仲有d芽菜同云耳。另外佢个酸菜亦都令到成个汤好惹味。汤头呈金黄色，色泽吸引。椒盐鱿鱼须：炸皮做得好酥脆。鱿鱼须软熟唔un 易咬开。冰梅榄角骨：大大嚿七嚿咁多。肉质弹牙。配埋冰梅榄角，味道层次丰富。红豆冰，菠萝冰：呢两个都系跟餐送嘅。夏日炎炎，饮呢个啱晒。