招聘中
432
22
17
等级4
1.2K
17
正到爆嘅牛大人吃到饱火锅🍲全部都系牛🐮
2020-07-19 11322 浏览
无论网上定朋友亲身食过都一致好评嘅牛大人令我期待已久，呢日终于有机会一尝！我嘅心情简直系未出发，先兴奋😆。本身订咗五月喺荃湾食，但奈何食物中毒被迫取消，再订已经要六月底，仲要系下午五点个时段！我呢日专登请咗下昼假食🙈，无谂过准时去到，已经全部都系人，坐满哂个走廊，劲夸张！好彩我哋订到位啫，如果唔系应该食唔到，Walk-in嘅话要预下午四点半吧。店员安排咗我哋坐二人枱，都坐得几舒服😀，打边炉最重要系冷气够。餐厅真系好大，有超多座位，但都全部爆满；部份四人卡位设计较为独立，更以廿四节气命名，好特别。一开始店员问我哋有无食过，再简单介绍下个流程。首先就系拣选汤底嘅部份🍲，有九款选择，全部各有特色，兼系台湾风味，同港式锅底唔同。鸳鸯锅要加$50，不过一场嚟到就试多款啦，我哋要咗㊙️牛大人秘方麻辣锅同牛大人红烧牛骨锅。前者有得拣辣度，我哋要咗小辣，辣味相对弱，完全系我接受范围，食得出有少少麻味同药材味，但整体未算突出。后者就反而有啲眼前一亮，红烧汤本身带有好微嘅辣，而且仲不乏牛骨香，又够浓味，正。不过食到后期就咸咗啲。点完汤底后，我哋就事不宜迟嗌牛肉🐮，肉类同部份台湾食材系要用手机自助落单，都方便
更多
159 浏览
0 赞好
0 留言
 无论网上定朋友亲身食过都一致好评嘅牛大人令我期待已久，呢日终于有机会一尝！我嘅心情简直系未出发，先兴奋😆。
117 浏览
1 赞好
0 留言
 本身订咗五月喺荃湾食，但奈何食物中毒被迫取消，再订已经要六月底，仲要系下午五点个时段！我呢日专登请咗下昼假食🙈，无谂过准时去到，已经全部都系人，坐满哂个走廊，劲夸张！好彩我哋订到位啫，如果唔系应该食唔到，Walk-in嘅话要预下午四点半吧。
101 浏览
1 赞好
0 留言
 店员安排咗我哋坐二人枱，都坐得几舒服😀，打边炉最重要系冷气够。餐厅真系好大，有超多座位，但都全部爆满；部份四人卡位设计较为独立，更以廿四节气命名，好特别。
653 浏览
0 赞好
0 留言
 一开始店员问我哋有无食过，再简单介绍下个流程。首先就系拣选汤底嘅部份🍲，有九款选择，全部各有特色，兼系台湾风味，同港式锅底唔同。
牛大人红烧牛骨锅
70 浏览
0 赞好
0 留言
 鸳鸯锅要加$50，不过一场嚟到就试多款啦，我哋要咗㊙️牛大人秘方麻辣锅同牛大人红烧牛骨锅。前者有得拣辣度，我哋要咗小辣，辣味相对弱，完全系我接受范围，食得出有少少麻味同药材味，但整体未算突出。后者就反而有啲眼前一亮，红烧汤本身带有好微嘅辣，而且仲不乏牛骨香，又够浓味，正。不过食到后期就咸咗啲。
530 浏览
0 赞好
0 留言
 点完汤底后，我哋就事不宜迟嗌牛肉🐮，肉类同部份台湾食材系要用手机自助落单，都方便嘅。牛大人收费分三段，包括(1)精选嫩牛、(2)美国SRF极黑牛同(3)澳洲极上和牛，分别在于食材嘅种类多少，愈贵就愈多选择同质素愈好。我哋见价钱唔差太远加上系第一次帮衬，就试最贵𠮶款。
171 浏览
0 赞好
0 留言
 落完第一轮单后，我哋就出去自助区拎🥦蔬菜同🍢丸类嘅配料，雪柜够哂冻，系咁吹冻风出嚟，感觉算干净衞生。种类非常多，部份食材更并不常见，但我建议适可而止，要留肚食牛肉嘛🐂。
48 浏览
0 赞好
0 留言
 但每样拎一件，拎下拎下个碗又装到满哂😂。我哋拎咗唔同味嘅丸(好饱肚)、蟹柳、水鱿鱼、金菇同粟米等等。
117 浏览
0 赞好
0 留言
 一开始嘅时候，酱油区排哂长龙，好彩我唔落㗎啫。不过个人认为俾啲耐性，等多半个钟就乜人都无，争取时间食嘢好过😜。
67 浏览
6 赞好
0 留言
 哇哇哇，唔洗几分钟，食物就送上，霎时间枱面放满晒嘢，仲要成座山咁高添！感觉非常澎湃，我哋真系好疯狂。食牛大人嘅攻略好简单就系丧食牛🥩，我哋基本上每款牛都有嗌嚟试。不过斋望个样其实我唔系好分得出边款打边款，而店员亦都唔系好知...。唯有认住个样再对图分辨啦！
60 浏览
2 赞好
0 留言
 虽然大部份牛肉比较薄切(封门柳除外)，但胜在够大块，所以食落都有口感兼满足感🤤。印象中以下几款牛肉几正，排名不分先后：
安格斯牛小排
52 浏览
1 赞好
1 留言
 1️⃣安格斯牛小排
手切封门柳
37 浏览
0 赞好
0 留言
 2️⃣手切封门柳
澳洲和牛M5牛肩卷
38 浏览
1 赞好
0 留言
 3️⃣澳洲和牛M5牛肩卷
美国SRF极黑牛肩胛肉眼
53 浏览
0 赞好
0 留言
 4️⃣美国SRF极黑牛肩胛肉眼
澳洲M9和牛蘑菇芝士味牛丸
37 浏览
0 赞好
0 留言
 另外，每位客人获赠送澳洲M9和牛蘑菇芝士味牛丸两粒，牛丸几弹牙，而且爆芝流心的🧀。
澎湖花枝浆及蟹籽墨汁浆
33 浏览
0 赞好
0 留言
 澎湖花枝浆及蟹籽墨汁浆，呢个应该系台湾叫法，香港就即系🦑墨鱼滑、XX滑𠮶类。本身抱有期望，但食落口感唔够弹牙，有啲失望，味道亦唔太特别。两个人食就嗌一两款好了，因为份量偏多加饱肚。
38 浏览
0 赞好
0 留言
 海鲜选择亦有几款，我哋试咗🦐鲜甜海虾同真台湾鲷鱼片，但唔记得咗嗌沙白。
台式蛋饺
62 浏览
1 赞好
0 留言
 台式蛋饺、手工大黑轮同高丽菜水饺🥟，嗌呢几样系因为觉得比较特别，蛋做饺皮嘅饺子原来咁好味🥚，大黑轮真系好大块...，水饺我就无食，但皮有啲薄爆开咗。
鬼马老油条
63 浏览
1 赞好
0 留言
 鬼马老油条，即系迷你油炸鬼，几趣致☺️。
牛妈秘制卤牛肚
38 浏览
0 赞好
0 留言
 牛妈秘制卤牛肚，打边炉比较少食，唔好渌太耐，因为本身都少韧🤔。
屏东水莲菜
51 浏览
1 赞好
0 留言
 屏东水莲菜系唯一一样要用App落单嘅蔬菜🥦，可能因为比较矜贵啦，份量嚟得亦相当少。不过打边炉食真系好好食，索汤得嚟，又够爽脆，食到停唔到口。
23 浏览
0 赞好
0 留言
 我哋喺自助区仲拎咗油麦菜、莴笋同蜂巢豆腐；来自台湾嘅👑皇帝菜亦都有得拎。
204 浏览
0 赞好
0 留言
 我哋总共叫咗两轮食物，食物上得好快又好齐，只系唔太拿捏到个份量应该叫几多，但唔够食就再叫啦。120分钟嘅任食时间话长唔长、话短唔短，我哋战斗足全程🤣，都觉得有少少赶，不过够哂饱，所以我哋最终无食到面类同台湾小吃嘅熟食。
43 浏览
0 赞好
0 留言
 饮品方面🥤，选择非常多，有大大个饮品雪柜，当中嘅冷泡茶好正，同时亦有纸包(可试麦仔茶)同罐装饮品。另外，有几款台式饮品如冬瓜茶同乌梅汁等就要用App落单叫。
白桃乌龙
26 浏览
1 赞好
0 留言
 冷泡茶有四款，我哋全部试哂，哈哈。胶樽樽身几靓，大大只字写清楚边款打边款🍵。白桃乌龙同桂花乌龙最好饮，两者有乌龙茶香之余，更有啖啖白桃味同桂花味。个人认为白桃🍑较特别，略胜一筹。
菊花普洱
30 浏览
0 赞好
0 留言
 至于洛神花茶就一向比较浓味带点酸，都唔错。菊花普洱最普通，茶底较苦，亦无咩菊花香🌼。
台式仙草冻
26 浏览
0 赞好
0 留言
 最后就系甜品，我哋要咗一份台式仙草冻，份量少少地，啱啱好，凉粉几滑几甜，而且仲有好多馅料搭配添👍。仙草冻以外就系港女至爱嘅Movenpick雪糕🍨。
59 浏览
0 赞好
0 留言
 食材质素同种类无得输，服务亦都好好。佢哋全部人劲忙，送餐收碟做到无停手，但都能保持礼貌。就算食到够钟，都只系温馨提示客人，无话态度好差🙇🏻‍♀️。
47 浏览
0 赞好
0 留言
 总括嚟讲，牛大人真系攞满分💯，亲身试过后就知评论无呃人😋，埋单计埋汤底人均都系三百蚊到，性价比高！我哋食完第二日就已经想再食，无厌嘅感觉，不过离开餐厅时见到几人头涌涌，就心知唔知几时先再食到😣。
(以上食记乃用户个人意见 , 并不代表OpenRice之观点。)
  • 推介
    已推介
  • 检举
5 已推介
    张贴
    评分
    味道
    环境
    服务
    卫生
    抵食
    用餐日期
    2020-06-26
    用餐途径
    堂食
    人均消费
    $300 (晚餐)
    推介美食
    牛大人红烧牛骨锅
    安格斯牛小排
    手切封门柳
    澳洲和牛M5牛肩卷
    美国SRF极黑牛肩胛肉眼
    澳洲M9和牛蘑菇芝士味牛丸
    台式蛋饺
    屏东水莲菜
    白桃乌龙
    台式仙草冻