金滿海鮮酒家 (已結業)

成日听闻九龙城好多好野食，但平日冇乜几可过黎，今次难得过黎揾朋友，所以就梗系探索下有咩美食，朋友话呢间既潮州野唔错，于是我地就决定试下。由于朋友食过呢间，唯有等佢发板 (因为其实我都唔熟潮州野)°但唯一比较认识既潮州野就系冻蟹啦，食潮州野冇可能唔食!!!一黎到。。正呀，好大只蟹，可能厨师帮我地整松左d 壳，所以d 蟹系好易食，唔驶用钳都得，d 蟹好多肉，肉同壳唔会太痴，肉质感岩岩好，而且冻蟹最大既卖点就系蟹肉够鲜甜，点小小醋食会更加正。梅子骨劲正，烤得热辣辣而且肉质不会太un，最正系个酱汁，很有梅子味道、甜甜的带有一点甘甘的微酸味，呢道𩠌超级适合配饭食，我地即刻order 两碗白饭。 星班球黎果阵已经去左骨，肉质很滑，十分新鲜，一点雪藏味也没有，最重要系份量一点也不孤寒! 都系大大块。而我系今日先认识蒜芯，幼幼的，外表似露荀而口感似菜心，十分爽口，而由于星班既关系，令到蒜芯都充满鱼香鲜味，食到停唔到口。 好戏当然系最后，呢个泡饭系成晚既焦点! 食落既feel 同蚝仔粥差唔多，首先，份量方面，一睇就知，大大煲够几个人食，而且充满九肚鱼，用料很足，所以你睇张相见到成碗野都系白白地黄黄地色。