富臨漁港囍臨門酒家 (已結業)

Facebook见到佢哋有新出既极品黄油蟹餐份量好似几多而且都几就脚。屋企人住喺附近所以都成日落黎饮茶，决定不如喺呢度试吓佢嘅黄油蟹晚餐。黄油蟹餐嘅七个菜式有脆皮乳猪，响螺汤，鱼，蟹，菜仲有甜品同埋甜品，同埋包。真系超丰富。新鲜嘅乳猪份量啱啱好够4人食，皮脆肉嫩。啱啱上到黎仲系热辣辣真系好正。原盅既炖响螺汤每人可以大约饮到两碗，青青甜甜咁样而且入边真系捉了见到有鸡同埋响螺。蚝皇花胶扒翡翠，花胶都几大只而且仲有好友咪配搭埋真系送饭一流。古法蒸龙趸腩，肉质几鲜，如果份量再多啲会更好。因为我屋企人超钟意食鱼，呢一只鱼唔会好腥味，因为佢嘅调味都几香，真系好抵食。黄油蟹总共有两只，我地开咗边，入边黄色嘅蟹真系小有，真系超肥美而且好新鲜，大大只，而且啲肉都几多，配埋佢既黄油味。真系好吸引。XO酱爆虾球蚌片，虾球超级大粒，而且蚌片份量都唔少架，最紧要炒得好有火喉！生煎菜肉包，同埋桂花糕作为呢一餐嘅尾声，最紧要一家大细都开心。