燒味滷師 (富榮花園) (已結業)

之前喺屋企附近都有食过呢间，质素好，性价比高！今次去咗奥运站呢度，探朋友，咁啱经过如见到呢间烧味喺度开咗分店，好开心，顺便买少少食物上去探朋友！烧味佬叉烧，半斤$50 ，相当抵食，啲肉好多汁，肥瘦平均，好喜欢佢哋嘅叉烧，质素好高。盐焗大鸡半只$45 ，好厚肉，唔错，而且唔会太肥，肉味香浓，最紧要够晒平🤣🤣🤣至尊烧鹅，今次都系买四份一只，最紧要拣佢嘅下庄，够晒肥美，先至$120，好抵！而且仲会另外包起一袋卤水汁，点埋一齐食，正最后整多客泰式凤爪，好入味，完全冇骨，可以就咁食，唔使就住仪容！好正，酸酸地，够晒开胃！