阿芳上海餛飩 (已結業)

行过门口见到贴满晒报章杂志话正宗上海水饺，日卖600碗，讲到咁劲就入去试下!叫咗个套餐，玉豆猪肉馄饨年糕，拍青瓜同豆浆。馄饨汤底有虾米仔吊味，而且有好香麻油味，有啲似出前一丁嘅淡味版。馄饨皮好滑，不厚也不薄，而玉豆即是四季豆，馄饨味道比较清，同平时食开嘅鲜虾馄饨完全唔同感觉。年糕系切片的，煮到几腍。青瓜味道似系用豆板酱加醋调味，辣同有轻微嘅酸味，都几好味。豆浆系小甜，豆味虽然唔系好浓，但都会饮得出，而且唔似其他地方得个甜字，似饮糖水。下次经过会再帮衬。