Fun Fun 串串鍋 (已結業)

黎到旺角呢间fun fun锅， 真系非常少见嘅串串锅， 好有麻辣重庆嘅风味， 叫咗个鸳鸯锅， 一边系麻辣， 另一边系胡椒猪肚。 一边呢就又麻又香， 另一边厢又有黑椒嘅胡辣。 口味都几独特， 食得辣嘅朋友应该十分之钟意， 平时打边炉打得闷， 真系要嚟试下呢个串串锅。饮品方面， 种类都几多， 无糖同有糖饮品都齐晒， 食辣真系点少得饮品呢。有啲食物就自己出去拎， 食物全部都算好晒， 放咗喺雪柜， 睇落干净又卫生， 而且自己拎又唔使等， 真系够晒方便， 食物种类都几多， 有本人最钟意嘅鸭血， 蔬菜方面都有唔少选择。调味方面， 除咗有一般嘅打边炉调味配料指天椒炸蒜蒜之外， 仲有好少见嘅干碟配料， 干碟即系无水份既酱， 用来配串串锅食就非常之夹。甜品方面有雪糕同埋雪条， 仲有豆腐花， 用嚟解辣就真系一流。