馬拉公公

营业中

休息中

雅都商场Food Court有好多嘢食拣，啱晒睇戏前后医肚。夏天会特别想食南洋风味，今次食嘅马拉公公好正宗，有咖哩饭、椰浆饭、咖央、海南鸡、黑酱干捞面，舖位细细选择好多！要左一份槟城白咖哩鸡丝掺掺 $46同柠檬薏米水 $10 🍜 先讲汤底，白咖哩系椰奶喇沙，加埋蒜头、干葱，微辣又惹味。掺掺面底，油面有咬口，米粉幼细索晒汤嘅精华。鸡丝多又滑，唔肥唔柴，去埋鸡皮都咁滑口有鸡味✨ 配料仲有半只蛋同挂满汤汁嘅豆卜，芽菜生菜都够爽脆，一口气食到最尾，爽😋 食完有啲热，饮杯柠檬薏米水，凉爽又健康。