SEDAP惹味馬拉 (已結業)

同友人食过一次，今次带屋企人黎食可以叫多啲菜式。可以scan QR code代替人手下单，非常方便，唔惊落留单上菜速度都几快，首先上咗南洋风味既沙爹羊肉串。配上青瓜同生洋葱，几开胃。鲜龙趸咖喱叻沙，听到叻沙应该唔陌生，汤底少少偏淡，但香味足，龙趸味突出，拌面同米粉不错。配料有豆卜，豆腐皮，秋葵，茄子等。肉骨茶原来系源自于马来西亚，后来先系其他地方兴起。初初仲以为源自于新加坡，但佢地有分两种口味，新加坡既肉骨茶颜色较淡色加上重胡椒味，唔加中药黎煲，反而马来西亚肉骨茶煲肉骨过程时，会加入中药，汤既颜色则较深色。以上系两人分量，料也非常多，有猪肚，鸡脚，杞子，排骨。最后唔少得海南鸡饭，肉质一啲都唔老，配点姜蓉，辣椒酱，黑酱油。