影片
更多
2023-01-25
891 浏览
去完星加坡返嚟之后识得欣赏印度美食虽然香港食会贵啲，但系为咗止瘾都去试吓啦🙈今次算系我第一次起香港试正宗印度餐厅呢间嘅选择好多，基本上咩都有：momo饺子、烤羊/牛/ 鸡/ 海鲜、印度炒饭 (Biryani)、各式烤饼 (Naan/ Prata / Chapati)等一入到去已经闻到香料味道👃🏻餐厅播住啲印度歌，好有feel🎶▶️ Spinach soup 菠菜汤同西餐厅嘅汤有少少分别，呢个会更加厚同creamy用上真菠菜切碎搅拌而成，每一啖都充满碎菠菜🥬面头落咗少少奶油味道上唔会觉得佢好「蔬菜」，反而会有啲啲辣辣地嘅香料味😋▶️ 脆片+炸洋葱呢个系免费嘅小食脆片超薄身，除咗脆卜卜之外仲入口即化，可以用来配汤食炸洋葱炸到一条条金黄色嘅，非常香口而唔油腻，基本上唔会觉得系食紧洋葱🧅一开始以为系炸番薯条😂▶️ Chicken tikka 串烧鸡柳($98)必试❣️上菜嘅时候热辣辣，好似铁板烧咁「渣渣」声侍应会帮你落埋柠檬🍋用作解济有成六大嚿鸡柳，虽然话系鸡柳，但其实比较似鸡髀肉 件件都劲厚身啖啖肉 (半个手掌嘅size同厚度)😍因为用咗红椒粉(paprika)腌，所以系红色嘅🌶️但系唔辣，反而带烟熏
虽然香港食会贵啲，但系为咗止瘾都去试吓啦🙈
今次算系我第一次起香港试正宗印度餐厅
呢间嘅选择好多，基本上咩都有：momo饺子、烤羊/牛/ 鸡/ 海鲜、印度炒饭 (Biryani)、各式烤饼 (Naan/ Prata / Chapati)等
一入到去已经闻到香料味道👃🏻
餐厅播住啲印度歌，好有feel🎶
▶️ Spinach soup 菠菜汤
同西餐厅嘅汤有少少分别，呢个会更加厚同creamy
用上真菠菜切碎搅拌而成，每一啖都充满碎菠菜🥬面头落咗少少奶油
味道上唔会觉得佢好「蔬菜」，反而会有啲啲辣辣地嘅香料味😋
菠菜汤
18 浏览
0 赞好
0 留言
▶️ 脆片+炸洋葱
呢个系免费嘅小食
脆片超薄身，除咗脆卜卜之外仲入口即化，可以用来配汤食
炸洋葱炸到一条条金黄色嘅，非常香口而唔油腻，基本上唔会觉得系食紧洋葱🧅一开始以为系炸番薯条😂
脆片+炸洋葱
14 浏览
0 赞好
0 留言
▶️ Chicken tikka 串烧鸡柳($98)
必试❣️上菜嘅时候热辣辣，好似铁板烧咁「渣渣」声
侍应会帮你落埋柠檬🍋用作解济
有成六大嚿鸡柳，虽然话系鸡柳，但其实比较似鸡髀肉
件件都劲厚身啖啖肉 (半个手掌嘅size同厚度)😍
因为用咗红椒粉(paprika)腌，所以系红色嘅🌶️但系唔辣，反而带烟熏味👍🏻味道好有惊喜
不过偶尔都会觉得佢咸咗啲，所以一定要配饭食
Chicken tikka 串烧鸡柳
$98
13 浏览
0 赞好
0 留言
最值得赞系佢嘅肉质，烤到啱啱好，边边位微脆，而因为佢肉够厚，所以中间位置仲好juicy鲜嫩，可以锁住肉汁😋亦食得出用新鲜鸡肉整，每层肉之间仲带啲油脂，完全冇骨又冇皮，可以成旧肉咁咬好满足呀！
呢个看似简单，但其实好考功夫，唔系一般屋企或者普通餐厅可以整到出嚟嘅水准👍🏻
🐔钟意食鸡嘅朋友，一定一定要试呢个
▶️ Chana masala 玛沙拉鸡心豆 ($82)
如果唔熟悉印度菜未必识叫，印度菜嘅素食菜式好钟意用鸡心豆/鹰嘴豆
呢个就系用鸡心豆煮出嚟嘅咖喱蓉，最啱用嚟配薄饼食🥘
出面有啲会偏向重番茄味底，呢个就主要系咖喱味底，但咖喱唔辣而带少少甜，钟意佢唔太油 (之前喺星加坡食嘅咖喱通常面层会带一层油🫢)
稀杰到啱啱好，唔会太水，亦唔会感觉一Pat咁
Chana masala 玛沙拉鸡心豆
$82
16 浏览
0 赞好
0 留言
可以食到一粒粒完整嘅鹰嘴豆 (自己本身好钟意食，所以好钟意)
另外仲会咬到切碎咗嘅洋葱同香菜叶，增添口感层次同埋味道🌱微微攻鼻效果以刺激味蕾～
当然仲落咗好多其他香料，应该有落姜黄根粉(tumeric)、孜然(cumin)、芫荽(coriander)呢啲，所以其实每道印度菜都好多材料，好花心机时间
▶️ Tandoori Roti 烤麦饼 ($25)
本身想叫千层饼 (paratha)，不过点错咗，但系呢个冇令我失望😙
边边位会脆少少，而中间就好软身同埋带啲烟靭口感(似面包多啲)
🫓用上小麦粉，健康得来食落口感丰富
本身以为呢个放耐咗会变硬，但系竟然一路保持住烟靭口感😯
本身系冇任何馅料嘅，我自己就钟意配马沙拉鸡心豆食，非常之夹味！但系朋友钟意就咁食，话钟意佢原先嘅味道
Tandoori roti 烤麦饼
$25
12 浏览
0 赞好
0 留言
▶️ Pullau rice 印度皇饭 ($68)
啲饭系黄色㗎，咁系因为落咗牛油同埋姜黄粉，味道上扁甜少少💛每粒米都吸引咗「精华」，非常圴匀
🍚用上印度香米 (basmati rice)，比平日食嘅米长同幼又冇咁黏
食落粒粒分明而唔干／硬 ，别具特色
另外加入咗少许豆豆粒同粟米粒令佢冇咁单调🌽
当然都系落咗好多其他香叶
碗饭本身几大兜，可以三个人食，但系我配鸡肉食，食吓食吓就食咗大半兜😂
Pullau rice 印度皇饭
$68
25 浏览
0 赞好
0 留言
▶️ Indian Masala tea 特式香料茶($29)
第一次试，个侍应会喺你面前表演「拉茶」，好似张相咁样会拉到好高☕️
望落似奶茶，但味道上已经好唔同
好重肉桂味 (cinnamon)同姜味 (ginger)，本身我唔特别好呢两样嘢，但系呢个好接受到
虽然有加鲜奶，不过味道比较淡，主要都系辛辛辣辣嘅味
感觉好啱冬天饮，听人讲系几健康嘅，有助消化同调节血糖🙈
算系一试难忘
Indian Masala tea 特式香料茶
$29
23 浏览
0 赞好
0 留言
▶️ Young coconut 椰青 ($46)
系成大个椰青咁上，帮你开咗个头，咁就容易啲饮同埋食佢啲椰肉
朋友话好清甜好饮🌴
-
食物味道果然好正宗，全部都超有质素水准，睇得出每道菜落咗好多心机同功夫，因为老实讲印度菜用嘅香料非常繁复，落少一样可能已经好影响味道，但系呢间嘅味道全部都好到位而且浓味❤️
位置相当方便，上环站一出C出口行几步就到
不过系楼上舖，门面得个黄色Basmati招牌，平时如果唔留意可能就错过咗呢间餐厅😢
环境舒服，入到去好有印度风格，感觉好似啲皇宫大厅咁👸🏻仲咁啱坐到窗边位，可以望到马路同少少景色(同朋友倾闲偈或者拍拖都好啱)
老板娘系印度人，超nice同friendly☺️(见佢会同客人倾吓计，同埋同小朋友开玩笑)，仲自己落手落脚做
另一个男侍应都好好服务，令你觉得有种贵宾feel
(佢哋听得明同识讲少少广东话，我问个侍应系咩汤，佢答我菠菜汤🤣)
价钱抵食，大概$180/人，已经食到超饱
上菜速度快，一落完单10分钟之内就上晒所有菜🤯但系全部都热辣辣同即叫即做嘅
香港食印度菜都要咁上下价钱，呢间开起上环，大份兼好食，绝对值得👍🏻(佢个lunch set仲抵食)
快啲bookmark啦，唔系净系印度人先黎食㗎，见到唔少其他香港食客，听到佢哋不断赞话好食❤️
张贴
