珍珠皇宮印度餐廳

营业中

休息中

食正宗印度菜一定要去重庆大厦，入面有超多间印度餐厅，入到去大厦好多印度朋友系门口拉客，真系好热情，不过我地目的地只有一个，就系珍珠皇宫印度餐厅。门口见到同Error合照既banner，原来Error都帮衬过！餐厅环境都宽敞，家私以红色为主。- Vegetable Samosa 咖哩角炸得胀卜卜，外皮比较厚。入面馅料系咖喱青豆薯蓉，味道清新唔算太油腻。- butter Chicken 牛油烤鸡味道比较温和，唔似印度咖喱咁辛辣。入面既鸡肉奶香味重，煮得几入味。- Keema Naan & Garlic Naan 食印度咖喱当然要Naan，两款烤饼都好松软，可惜外皮完全唔脆。免治羊肉烤饼好足料。- Tandoori Platter 拼盘有印度烧鸡、免治羊肉卷、烤鱼块同乳酪腰果汁烧鸡。个人钟意羊肉卷，香料味好重，而且无咩膻味。印度烧鸡肉汁juicy，肉质唔算太硬。- Indian Tea 印度奶茶好香滑，姜味好突出，不过我朋友就好抗拒阵姜味，因人而异。除左烤饼有少少失望，大部分食物都好好味，难怪Error都过嚟帮衬！