影片
更多
2018-10-09
1612 浏览
我同A姐去过印度，睇咗象征住沙加罕同慕塔芝・玛哈爱情故事，感受「一颗永恒的泪珠」嘅泰姬陵。今日睇返我哋去印度嘅相，回味住当日旅程片段嘅同时，佢话不如回味埋印度菜！食印度菜唔一定要去重庆大厦嘅，中环都有！呢间位于中环嘅Rang Mahal Authentic Indian Cuisine，餐厅播住印度电影，加上印度色彩嘅古典sofa同印度风情嘅装修，真系好有feel。而呢度嘅午餐系自助餐形式，好抵食㗎。餐前小食区除咗有沙律，仲有春卷同炸蔬菜。但极力推介系薯蓉咖哩角，炸得好松脆，唔会好油，而惊喜系馅料十足，入面有好多薯蓉同杂菜，咖哩味浓郁，够晒醒胃。蔬菜区有4款选择，好有印度风味！有Masala亦有唔同口味嘅咖哩。而最吸引我嘅系芝士烩菠菜蓉，绿色嘅菠菜蓉上面铺满芝士，同我哋上次去印度嘅味道一样咁好味，用嚟夹烤饼就啱晒。肉食区嘅选择有4款，除咗咖喱鸡蛋，仲有鱼肉超滑嘅咖哩鱼。而我最钟意就系奶油鸡，唔太钟意重口味嘅都一定钟意，而鸡肉都够晒嫩滑。另一款系呢度嘅名物，香烤无骨鸡用咗好多印度嘅香料整成，香料味令层次分明，超好味。印度餐厅嘅饭，当然系用印度米啦，除咗白饭，仲有炒到干身嘅番红花黄饭，捞埋
餐前小食区除咗有沙律，仲有春卷同炸蔬菜。但极力推介系薯蓉咖哩角，炸得好松脆，唔会好油，而惊喜系馅料十足，入面有好多薯蓉同杂菜，咖哩味浓郁，够晒醒胃。
蔬菜区有4款选择，好有印度风味！有Masala亦有唔同口味嘅咖哩。而最吸引我嘅系芝士烩菠菜蓉，绿色嘅菠菜蓉上面铺满芝士，同我哋上次去印度嘅味道一样咁好味，用嚟夹烤饼就啱晒。
肉食区嘅选择有4款，除咗咖喱鸡蛋，仲有鱼肉超滑嘅咖哩鱼。而我最钟意就系奶油鸡，唔太钟意重口味嘅都一定钟意，而鸡肉都够晒嫩滑。另一款系呢度嘅名物，香烤无骨鸡用咗好多印度嘅香料整成，香料味令层次分明，超好味。
印度餐厅嘅饭，当然系用印度米啦，除咗白饭，仲有炒到干身嘅番红花黄饭，捞埋咖喱一齐食都唔错。
食印度菜又点少得烤饼呢，除咗原味，仲有蒜蓉味。食烤饼真系用手食先够风味。
最后印度嘅甜品就有呢个汤圆。味道有啲似冬甩，不过口感就烟烟韧韧。但对好多香港人嚟讲，未必啱食，因为真系印度食喜欢好甜。而呢度仲有冻柠茶任饮㗎！
张贴
