天然齋 (已結業)

今日同朋友去位于上环嘅天然斋食饭。中午时段嘅天然斋真系好旺场，有好多OL黎呢度食饭。不过大家得好熟格步，排队点菜揾位全部自动波👍🏻因为今日比较大风，朋友唔想坐露天位，所以我哋就拣坐室内。职员提示坐室内嘅位置需要每人最低消费$88，我地都OK！我哋叫咗叉烧包，炸猪扒，四宝斋，同埋炒饭。叉烧包系每次黎必叫嘅嘢食，个叉烧包用嘅系刈包，叉烧嘅质感同埋味道都同真嘅叉烧一样，但系冇真嘅叉烧嘅肥腻感，味道一流！炸猪扒一寸厚口，大大块，有咬口，炸得干身，咬落有肉嘅纤维，几可乱真。其他炒饭同埋四宝斋就比较普通。